পাকিস্তানৰ প্ৰধানমন্ত্ৰী শ্বেহবাজ শ্বৰীফে বৃহস্পতিবাৰে লেফটেনেণ্ট জেনেৰেল অসীম মুনিৰক দেশৰ সেনাবাহিনীৰ নতুন মুৰব্বী হিচাপে নিযুক্তি দিছে ৷ ছবছৰীয়া কাৰ্যকালৰ অন্তত চলিত মাহৰ শেষৰ ফালে অৱসৰ গ্ৰহণ কৰিবলগীয়া বিদায়ী জেনেৰেল কামাৰ জাভেদ বাজৱাৰ পৰা নতুন মুৰব্বীগৰাকীয়ে দায়িত্ব গ্ৰহণ কৰিব।
লেফটেনেণ্ট জেনেৰেল চৈয়দ আছিম মুনিৰ আহমেদ শ্বাহ এইচ আই (এম) এজন তিনি তাৰকা ৰেংক জেনেৰেল ৷ বৰ্তমান পাকিস্তান সেনাবাহিনীত কোৱাৰ্টাৰমাষ্টাৰ জেনেৰেল হিচাপে তেওঁ কাৰ্যনিৰ্বাহ কৰি আছে।তেওঁ ২০১৯ চনৰ ১৭ জুন তাৰিখৰ পৰা ২০২১ চনৰ ৬ অক্টোবৰলৈকে গুজৰাণৱালাত এক্সএক্সএক্স কৰ্পছ (পাকিস্তান)ৰ কমাণ্ডাৰ হিচাপে দায়িত্ব পালন কৰিছিল ৷ ২০১৮ চনৰ ছেপ্টেম্বৰ মাহত লেফটেনেণ্ট জেনেৰেল পদবীলৈ পদোন্নতি লাভ কৰি পৰৱৰ্তী সময়ত ডিজি আই এছ আই হিচাপে তেওঁ নিযুক্তি লাভ কৰে। ইয়াৰ পূৰ্বে তেওঁ সামৰিক চোৰাংচোৱাৰ সঞ্চালক প্ৰধান হিচাপে কাৰ্যনিৰ্বাহ কৰিছিল।
