বুধবাৰে অনুষ্ঠিত হ’ব অসমৰ এক আগশাৰীৰ প্ৰকাশন গোষ্ঠী ‘অগ্ৰদূত’ গোটৰ সোণালী জয়ন্তী বৰ্ষ উদযাপনৰ অনুষ্ঠান ৷ ভাৰতৰ প্ৰধানমন্ত্ৰী শ্ৰী নৰেন্দ্ৰ মোদীয়ে বুধবাৰে ভিডিঅ’ কনফাৰেন্সৰ জৰিয়তে উদ্বোধন কৰিব অগ্ৰদূত গোটৰ এই সোণালী জয়ন্তী উদযাপন অনুষ্ঠানৰ ।আনহাতে অনুষ্ঠানটোত উপস্থিত থাকিব অগ্ৰদূতৰ সোণালী জয়ন্তী উদযাপন সমিতিৰ মুখ্য পৃষ্ঠপোষক তথা অসমৰ মুখ্যমন্ত্ৰী ড০হিমন্ত বিশ্ব শৰ্মাও ।
প্ৰথম অৱস্থাত অসমৰ এখন পষেকীয়া বাতৰিকাকত আছিল ‘অগ্ৰদূত’ যাৰ প্ৰতিষ্ঠাপক আছিল অসমৰ এগৰাকী জ্যেষ্ঠ সাংবাদিক কনক সেন ডেকা।
পৰৱৰ্তী সময়ত ১৯৯৫ চনত ‘দৈনিক অগ্ৰদূত’ নামৰ এখন দৈনিক বাতৰি কাকত আৰম্ভ কৰা হৈছিল যি অসমৰ এক বিশ্বস্ত আৰু প্ৰভাৱশালী কণ্ঠস্বৰ হিচাপে ক্ৰমাৎ বিকশিত হৈ উঠিছিল ৷
