শুকুৰবাৰে আমেৰিকাৰ প্ৰাক্তন ৰাষ্ট্ৰপতি ড’নাল্ড ট্ৰাম্পে টেক্সাছৰ স্কুলত হোৱা গুলীচালনাক লৈ জো বাইডেন চৰকাৰক তীব্ৰ সমালোচনা কৰে ৷ ট্ৰাম্পে কয় যে বাইডেন চৰকাৰে দেশখনৰ স্কুলৰ নিৰাপত্তাতকৈ ইউক্ৰেইন যুদ্ধক অগ্ৰাধিকাৰ দিছে। বন্দুক নিয়ন্ত্ৰণৰ ব্যৱস্থা অধিক শক্তিশালী কৰাৰ আহ্বান বৃদ্ধি পোৱাৰ সময়তে হিউষ্টনত নেচনেল ৰাইফল এছ’চিয়েশ্যনৰ (এন আৰ এ) বাৰ্ষিক বৈঠকত ভাষণ দি ট্ৰাম্পে কয় যে আমেৰিকা চৰকাৰে বিদ্যালয়ৰ সুৰক্ষাৰ বাবে পুঁজিৰ ওপৰত গুৰুত্ব আৰোপ কৰক। “যদি আমেৰিকাৰ হাতত ইউক্ৰেইনলৈ পঠিয়াবলৈ ৪০ বিলিয়ন মাৰ্কিন ডলাৰ আছে, তেন্তে আমি আমাৰ সন্তানক ঘৰত সুৰক্ষিত ৰাখিবলৈ যি কৰিব লাগে তাকে কৰিব পাৰিব লাগে। আমি ইৰাক আৰু আফগানিস্তানত ট্ৰিলিয়ন টকা খৰচ কৰিলোঁ আৰু ইয়াৰ পৰা একো নাপালোঁ৷ আমি বাকী বিশ্বৰ জাতি-নিৰ্মাণ কৰাৰ আগতে আমি নিজৰ জাতিত নিজৰ সন্তানৰ বাবে নিৰাপদ বিদ্যালয় নিৰ্মাণ কৰা উচিত।’-প্ৰাক্তন ৰাষ্ট্ৰপতিগৰাকীয়ে লগতে কয়।
যুদ্ধবিধ্বস্ত দেশখনক দেশখন পুনৰ গঢ়ি তোলাত সহায় কৰিবলৈ আমেৰিকাই শেহতীয়াকৈ ইউক্ৰেইনলৈ প্ৰায় ৫৪ বিলিয়ন ডলাৰৰ সাহায্য মুকলি কৰি
