প্ৰাক্তন ভাৰতীয় ক্ৰিকেট দলৰ অধিনায়ক তথা হাইদৰাবাদ ক্ৰিকেট এছচিয়েছনৰ মুখ্য মহম্মদ আজাহাৰুদ্দিনে অলপতে পৃথিৱীৰ ভিতৰত আটাইতকৈ দীঘল ক্ৰিকেট বেটখন হাইদৰাবাদৰ টেংক বন্দত মুকলি কৰে।
৫৬.১০ ফুট দৈৰ্ঘ্যৰ বেটখনে গিনিজ বুক অফ ৱৰ্ল্ড ৰেকৰ্ডছত অন্তৰ্ভুক্ত হয়। ৯ টন ওজনৰ বেটখন পাৰনড ৰিচাৰ্ড ইণ্ডিয়া প্ৰাইভেট লিমিটেডে নিৰ্মাণ কৰি উলিয়াইছে।
বৰ্তমান ক্ৰিকেট বেটখনখন দৰ্শনাৰ্থীৰ সুবিধাৰ বাবে টেংক বন্দতে ৰখা হৈছে। ১৬ নৱেম্বৰৰ পিছত বেটখন ৰাজীৱ গান্ধী ইন্টাৰনেচনেল উপ্পল ষ্টেডিয়ামত ৰখা হ’ব।