আই পি এলৰ প্ৰতিখন মেচ প্ৰচাৰৰ বাবদ প্ৰদান কৰিব লাগিব ৫৭.৫ কোটি , কোনে ক্ৰয় কৰিলে মিডিয়া ৰাইটছ্

পৰৱৰ্তী আই পি এল (২০২৩-২৭)ৰ  প্ৰচাৰৰ বাবে টিভি আৰু ডিজিটেল অধিকাৰৰ মুঠ  মূল্য দুগুণতকৈও অধিক বৃদ্ধি পাইছে ৷ জনপ্ৰিয় আই পি এলৰ প্ৰচাৰৰ বাবে টি ভি আৰু ডিজিটেল মিডিয়া কতৃত্ব  মুঠ ৩৯,৭৭৫ কোটি টকা (প্ৰায় ৫.১০ বিলিয়ন মাৰ্কিন ডলাৰ)ত বিক্ৰী কৰা হৈছে  । আই পি এলৰ অধিকাৰ ই-নিলামৰ দ্বিতীয় দিন সোমবাৰে টিভি আৰু ডিজিটেল অধিকাৰৰ বাবে সৰ্বাধিক দৰদামকাৰী নিশ্চিত হোৱাৰ পিছত মিডিয়া ৰাইটছ বিক্ৰী কৰা হয় ৷   প্ৰতিখন মেচৰ টি ভিত প্ৰচাৰৰ বাবে  ৫৭.৫ কোটি টকা (প্ৰায় ৭.৩৬ মিলিয়ন ডলাৰ) প্ৰদান কৰিব লাগিব ৷ আনহাতে পেকেজ বিৰ অর্থাৎ ডিজিটেল প্ৰচাৰৰ বাবে সৰ্বাধিক ৫০ কোটি টকাৰ টকা প্ৰতিখন মেচত প্ৰদান কৰিব লাগিব ৷ ষ্টাৰ ইণ্ডিয়াই ইণ্ডিয়ান প্ৰিমিয়াৰ লীগৰ পৰৱৰ্তী পাঁচটা ছিজনৰ বাবে টেলিভিছনৰ প্ৰচাৰ অধিকাৰ লাভ কৰিছে ৷