ভাৰতীয় জলভাগৰ পৰা প্ৰথমবাৰৰ বাবে চাৰিটা প্ৰজাতিৰ এজ’ক্সেনথেলেট প্ৰবাল উদ্ধাৰ কৰিছে বিজ্ঞানীসকলে। আন্দামান আৰু নিকোবৰ দ্বীপপুঞ্জৰ পানীত পোৱা গৈছে এই নতুন প্ৰবাল। এজ’ক্সেনথেলেট প্ৰবাল হৈছে এনে এটা প্ৰবালৰ গোট যিবোৰে সূৰ্য্যৰ পৰা নহয়, বিভিন্ন ধৰণৰ প্লাংকটন ধৰি ৰখাৰ পৰাহে পুষ্টি লাভ কৰে। এই প্ৰবালৰ গোটসমূহ গভীৰ সাগৰৰ প্ৰতিনিধি, ইয়াৰে অধিকাংশ প্ৰজাতিয়ে ২০০ মিটাৰৰ পৰা ১০০০ মিটাৰৰ ভিতৰত অৱস্থান কৰিছে। অগভীৰ উপকূলীয় পানীৰ পৰাও ইহঁতৰ সংঘটনৰ বাতৰি পোৱা গৈছে।
এই নতুন আৱিষ্কাৰৰ আঁৰৰ জুলজিকেল চাৰ্ভে অৱ ইণ্ডিয়া (ZSI)ৰ বিজ্ঞানী তামাল মণ্ডালে কয় যে প্ৰবালৰ চাৰিওটা গোট একেটা পৰিয়ালৰ ফ্লেবেলিডে।মণ্ডালে কয় যে এজ’ক্সেনথেলেট প্ৰবাল হৈছে কঠিন প্ৰবালৰ এটা গোট ।
তেওঁ লগতে কয় যে “ভাৰতত কঠিন প্ৰবালৰ ওপৰত সৰ্বাধিক অধ্যয়ন ৰিফ নিৰ্মাণ কৰা প্ৰবালৰ ওপৰত কেন্দ্ৰীভূত হৈছে যদিও অ-প্ৰবাল নিৰ্মাণ কৰা প্ৰবালৰ বিষয়ে বহু কথাই জনা নাযায়। এই নতুন অভিলেখসমূহে নন-ৰিফ-বিল্ডিং, একক প্ৰবালৰ বিষয়ে আমাৰ জ্ঞান বৃদ্ধি কৰে।’
ভাৰতত প্ৰায় ৫৭০ প্ৰজাতিৰ কঠিন প্ৰবাল পোৱা যায় আৰু ইয়াৰে প্ৰায় ৯০% আন্দামান আৰু নিকোবৰ দ্বীপপুঞ্জৰ আশে-পাশে থকা পানীত পোৱা যায়। প্ৰবালৰ প্ৰাচীন আৰু পুৰণি পৰিৱেশ তন্ত্ৰই পৃথিৱীৰ পৃষ্ঠৰ ১%তকৈও কম অংশ ভাগ কৰে যদিও ইহঁতে প্ৰায় ২৫% সাগৰীয় জীৱক আশ্ৰয় প্ৰদান কৰে।
জুলজিকেল চাৰ্ভে অৱ ইণ্ডিয়া (ZSI)ৰ সঞ্চালিকা ধৃতি বেনাৰ্জীয়ে কয় যে বিশেষকৈ অগভীৰ উপকূলীয় পানীত বিশ্বৰ মহাসাগৰৰ অন্যতম উৎপাদনশীল, বহনক্ষম আৰু প্ৰাচীন পৰিৱেশ তন্ত্ৰ হৈছে প্ৰবাল প্ৰাচীৰ।
