সকলোকে শোকস্তব্ধ কৰি অসমৰ প্ৰসিদ্ধ স্বাধীনতা সংগ্ৰামী যতীন গোস্বামীৰ আজি পুৱা দেহাৱসান ঘটে ৷ ৯৭ বছৰ বয়সত গুৱাহাটীত মৃত্যু হয় মহান ব্যক্তিগৰাকীৰ ৷ এক প্ৰতিবেদন অনুসৰি, বুধবাৰে পুৱা প্ৰায় ৪.২০ বজাত গুৱাহাটীৰ শিলপুখুৰী এলেকাৰ কৰ্ণচল পথত থকা নিজা বাসগৃহত তেওঁৰ মৃত্যু হয়।
১৯২৫ চনৰ ১৭ ছেপ্টেম্বৰত ৰাজ্যখনৰ বজালী জিলাৰ পাটাচাৰকুচিত জন্ম হৈছিল যতীন গোস্বামীৰ। স্বাধীনতা সংগ্ৰামৰ সময়তো তেওঁ এক সক্ৰিয় ভূমিকা পালন কৰিছিল ।তেখেতৰ মৃত্যুত সমগ্ৰ অঞ্চলজুৰি পৰিছে গভীৰ শোকৰ ছাঁ ৷ লগতে শোক সন্তপ্ত পৰিয়াললৈ গভীৰ সমবেদনা জ্ঞাপন কৰিছে ৰাজ্যৰ মুখ্যমন্ত্ৰীকে আদি কৰি বহু নেতৃস্থানীয় ব্যক্তিয়ে ৷
