গুৱাহাটী বিশ্ববিদ্যালয়ৰ মাধৱ বেজবৰুৱা ছাত্ৰাবাসৰ ন-পুৰণি সন্মিলনৰ প্ৰস্তুতি

গুৱাহাটী:২ ফেব্ৰুৱাৰী: গুৱাহাটী বিশ্ববিদ্যালয়ৰ প্ৰথম খন ছাত্ৰাবাস মাধৱ বেজবৰুৱা ১ নং দুমহলীয়া ছাত্ৰাবাসৰ ন-পুৰণি সন্মিলনখন (আয়োজক সভা) অনুষ্ঠিত কৰাৰ বাবে এখন প্ৰস্তুতি সভা অহা ৫ ফেব্ৰুৱাৰী ত অনুষ্ঠিত হ’ব।সিদিনা বিয়লি ৩ বজাত উক্ত ছাত্ৰাবাসতেই অনুষ্ঠিত হব লগা এই প্ৰস্তুতি সভাত উক্ত আৱাসৰ সমূহ ন-পুৰণি আবাসীকে অংশ গ্ৰহণ কৰাৰ বাবে ছাত্ৰাধিক্ষক তন্ময় দাস আৰু সহকাৰী ছাত্ৰাধিক্ষক বন্দন শইকীয়াই অনুৰোধ জনাইছে।উল্লেখযোগ্য গুৱাহাটী বিশ্ববিদ্যালয়ৰ অনন্য মাত্ৰা কঢ়িয়াই অনা এই ছাত্ৰাবাসৰ পৰাই কেবাগৰাকী মেধা সম্পন্ন শিক্ষাৰ্থীয়ে স্নাতকোত্তৰ ডিগ্ৰী গ্ৰহণ কৰি বিদ্যায়তনিক,সাহিত্য,সংস্কৃতি,ৰাজনীতি,অৰ্থনীতি সকলো দিশতে নেতৃত্ব বহন কৰি গৰিমাৰে গৰিমামণ্ডিত কৰি তুলিছে।সেয়েহে এই ছাত্ৰাবাস আগন্তুক ন-পুৰণি সন্মিলন খন অতি জাক জমকতাৰে অনুষ্ঠিত কৰিব বিচৰা হৈছে।সন্মিলনত সহযোগ কৰাৰ বাবে ৭০০৩৫৬৭৬৬৩০ নম্বৰত যোগাযোগ কৰাৰ বাবে উদ্যোক্তা সকলে আহ্বান জনাইছে।