‘বিগ বছ’ ৰিয়েলিটি শ্ব’ৰ জৰিয়তে গ্লেমাৰৰ জগতখনত প্ৰৱেশ কৰিছিল শ্বেহনাজ গিলে । সেই শ্ব’টোৰ বাবেই শ্বেহনাজ গিলে দৰ্শকৰ মাজত নিজকে চিনাকি কৰি তুলিছিল। শেহতীয়াকৈ ডাঙৰ পৰ্দাত আত্মপ্ৰকাশ কৰিছে শ্বেহনাজে। অৱশ্যে তেওঁৰ প্ৰথম ছবিখনৰ বক্স অফিচৰ ৰিপৰ্ট আশাব্যঞ্জক নহয়। অৱশ্যে প্ৰথমখন ছবিৰ পিছতেই শ্বেহনাজে নিজৰ সপোন পূৰণ কৰিলে। তেওঁ নিজৰ অনুৰাগীৰ সৈতে এই ভাল খবৰটো শ্বেয়াৰ কৰিলে।
শেহতীয়াকৈ অভিনেত্ৰীগৰাকীয়ে মুম্বাইত নিজাকৈ এটা ঘৰ ক্ৰয় কৰিছে ।ছিছিয়েল মিডিয়াত তেওঁ এই কথা প্ৰকাশ কৰিছে ৷ এই খবৰ ঘোষণা হোৱাৰ লগে লগে অভিনেত্ৰী গৰাকীৰ কমেণ্ট বক্স অনুৰাগীৰ শুভেচ্ছাৰে উপচি পৰিল।
ৰিয়েলিটি শ্ব’ৰ পৰা তেওঁৰ উত্থান ঘটিছে। নিজৰ কষ্টৰে মনোৰঞ্জনৰ জগতখনত নিজৰ স্থান দখল কৰিছে। ছলমান খানৰ ছবিত তেওঁ অভিনেত্ৰী হিচাপে আত্মপ্ৰকাশ কৰিছে । শ্বেহনাজক কেইবাবাৰো সমালোচনা কৰা হৈছে। তেওঁৰ প্ৰতিভা আৰু দক্ষতাক লৈ প্ৰশ্ন উত্থাপন হৈছে। তেওঁ নিজৰ কামৰ জৰিয়তে সকলো প্ৰশ্নৰ উত্তৰ দিব,সেই লৈ দৃঢ়প্ৰতিজ্ঞ শ্বেহনাজ।
