বলীউডৰ দুই ডাঙৰ তাৰকা। দুয়োজন বিখ্যাত খান। বাস্তৱ জীৱনত তেওঁলোক ভাল বন্ধু ৷ বাস্তৱ জীৱনৰ উপৰি কেইবাখনো ছবিত একেলগে দেখা গৈছে তেওঁলোকক । বহুদিনৰ মূৰত এইবাৰ শ্বাহৰুখ খান আৰু ছলমান খানে ‘পাঠান’ ছবিখনত একেলগে দেখা গৈছিল ৷ ‘পাঠান’ত ছলমান খানে বিশেষ চৰিত্ৰত ভুমুকি মাৰিছিল ৷ বক্স অফিচৰ সফলতাৰ বাহিৰেও প্ৰিয় তাৰকা দুগৰাকীক একেলগে পৰ্দাত দেখি অনুৰাগীসকল অধিক উৎসাহিত হৈছে। তেতিয়াৰ পৰাই দৰ্শক আৰু অনুৰাগীয়ে দুয়োগৰাকী তাৰকাক একেলগে পৰ্দাত দেখাৰ বাবে অপেক্ষা কৰি আছিল। ‘পাঠান’ৰ সফলতাৰ পাছতেই জনা গৈছে যে যশ ৰাজৰ পৰৱৰ্তী ছবি ‘টাইগাৰ ৩’ত ছলমান খানৰ সৈতে বিশেষ চৰিত্ৰত শ্বাহৰুখ খানক দেখা যাব। ৮ মে’ৰ পৰা শ্বাহৰুখ খানে ছলমান খানৰ সৈতে ‘টাইগাৰ ৩’ৰ চেটত শ্বুটিং কৰিব। ‘পাঠান’ৰ সফলতাৰ পিছত যশৰাজৰ পৰিচালক আদিত্য চোপ্ৰাই কোটি কোটি টকা খৰচ কৰি শ্বাহৰুখ আৰু ছলমানক একত্ৰিত কৰিবলৈ কুণ্ঠাবোধ নকৰিলে। দুই খানক পুনৰ একত্ৰিত কৰিবলৈ কিমান কোটি খৰচ হৈছে জানেনে? ‘টাইগাৰ ৩’ ছবিখনৰ শ্বাহৰুখ আৰু ছলমানৰ দৃশ্যৰ শ্বুটিঙৰ খৰচ জানিলে চকু কপালত উঠিব ৷
‘টাইগাৰ ৩’ ছবিখনত শ্বাহৰুখ আৰু ছলমানে একেলগে কাৰাগাৰ পলায়নৰ দৃশ্যত অভিনয় কৰিব। এই দৃশ্যৰ শ্বুটিঙৰ বাবে আদিত্য চোপ্ৰাই প্ৰায় ৩৫ কোটি টকা ব্য কৰিব ৷
‘পাঠান’ৰ সফলতাৰ পিছত ৱাই আৰ এফে ‘টাইগাৰ ৩’ক বৃহৎ পৰিসৰত নিৰ্মাণ কৰিব বিচাৰিছে। গতিকে বাজেটৰ ক্ষেত্ৰত তেওঁ কোনো ধৰণে আপোচ কৰিবলৈ ইচ্ছুক নহয়। শুনা গৈছে যে অহা সোমবাৰৰ পৰা সেই দৃশ্যৰ শ্বুটিং প্ৰায় এসপ্তাহ ধৰি চলি থাকিব। মুম্বাইৰ যশ ৰাজ ষ্টুডিঅ’ত শ্বুটিং কৰা হ’ব এই সমগ্ৰ দৃশ্য।
‘পাঠান’ৰ সফলতাৰ পিছত ৱাই আৰ এফে ‘টাইগাৰ ৩’ক লৈ যথেষ্ট আশাবাদী। চলিত বৰ্ষৰ দীপাৱলীত মুক্তি পাব ‘টাইগাৰ ৩’।
