যিকোনো পোছাক পৰিধান কৰি বিদ্যালয়লৈ আহিব নোৱাৰিব ৰাজ্যৰ শিক্ষক, পিন্ধিব নোৱাৰিব জিনছ –টি ছার্ট ,ফর্মেল পোছাক পৰিধানৰ নির্দেশ বিদ্যালয় শিক্ষা বিভাগৰ

এতিয়াৰে পৰা নিজৰ ইচ্ছা অনুসৰি এতিয়াৰে পৰা পোছাক পৰিধান কৰি বিদ্যালয়লৈ আহিব নোৱাৰিব ৰাজ্যৰ শিক্ষক ৷ এইক্ষেত্ৰত কেতবোৰ নির্দেশনা প্ৰদান কৰিছে  ৷ বিদ্যালয় শিক্ষা বিভাগৰ সচিবে প্ৰদান কৰা নির্দেশনা অনুসৰি শিক্ষকসকলে ফর্মেল পেণ্ট-ফর্মেল ছার্ট পিন্ধি আহিব লাগিব ৷ বিদ্যালয়লৈ তেওঁলোকে জিনছ –টিছার্ট আদিৰ দৰে কেজুৱেল পোছাক পৰিধান কৰি আহিব নোৱাৰিব ৷ সেইদৰে শিক্ষিয়িত্ৰীয়ে পৰিধান কৰিব লাগিব মেখেলা চাদৰ অথবা চেলোৱাৰ অথবা শাৰী ৷ জিনছ –টিছার্ট-লেগিনছ্ আদি পৰিধান কৰিব নোৱাৰিব শিক্ষয়িত্ৰীয়ে ৷ বিদ্যালয়ত শিক্ষক- শিক্ষয়িত্ৰীয়ে পৰিধান কৰিব নোৱাৰিব পার্টীৱেৰ ৷ ইয়াৰ বিপৰীতে পাতল ৰঙৰ পৰিষ্কাৰ-পৰিপাটী-মার্জিত পোছাকহে পৰিধান কৰিব পাৰিব ৷ এই নিয়ম নামানিলে শিক্ষাগুৰুৰ বিৰুদ্ধে ব্যৱস্থা গ্ৰহণ কৰা হ’ব বুলিও উল্লেখ কৰা হৈছে নির্দেশনাত ৷ ইপিনে শিক্ষকতাৰ বৃত্তিটোৰ প্ৰতি লক্ষ্য ৰাখি এই নির্দেশ দিয়া বুলিও বিভাগে প্ৰকাশ প্ৰকাশ কৰিছে ৷