সেই কৌশল কৰ্ণাটকত চাৰিমাহ পূৰ্বে দুৰ্ভাগ্যজনকভাৱে বিফল হৈছিল। ৰাজনৈতিক বিশ্লেষকৰ এটা অংশই বিশ্বাস কৰে যে পাঁচখন ৰাজ্যৰ আগন্তুক বিধানসভা নিৰ্বাচনৰ পূৰ্বে বিজেপিয়ে জাতি-ধৰ্মভিত্তিক ভোটবেংকক ‘অস্ত্ৰ’ কৰাৰ লগতে বৃহৎ বৃহৎ চৰকাৰী প্ৰকল্প ঘোষণা কৰিবলৈ পৰিকল্পনা কৰিছে ৷ তেওঁলোকৰ মতে প্ৰধানমন্ত্ৰী নৰেন্দ্ৰ মোডীয়ে উন্নয়ন প্ৰকল্পৰ আশ্বাসেৰে নির্বাচন অনুষ্ঠিত হ’বলগীয়া ৰাজ্য ভ্ৰমণ কৰিব ৷ এইবাৰ মধ্যপ্ৰদেশৰ সন্ত ৰবিদাস মন্দিৰৰ আধাৰশিলা স্থাপন কৰিব প্ৰধানমন্ত্ৰী মোডীয়ে ৷
শনিবাৰে মধ্যপ্ৰদেশৰ সাগৰ জিলাত মন্দিৰটো উদ্বোধন কৰিব । ভক্তি আন্দোলনত কবি আৰু গীতিকাৰ হিচাপে ৰবিদাসে গুৰুত্বপূৰ্ণ ভূমিকা পালন কৰিছিল। পঞ্জাৱ, হাৰিয়ানা, উত্তৰ প্ৰদেশ, ৰাজস্থান, মহাৰাষ্ট্ৰ, মধ্যপ্ৰদেশকে ধৰি কেইবাখনো ৰাজ্যত তেওঁৰ বৃহৎ অনুগামী আছিল। এতিয়াও দলিতসকলৰ মাজত তেওঁক পূজা কৰা হয়। গুৰু গ্ৰন্থ চাহাবতো তেওঁৰ বাৰ্তা সন্নিবিষ্ট কৰা হৈছে। গতিকে পঞ্জাৱৰ শিখসকলৰ মাজতো ৰবিদাস জনপ্ৰিয়। প্ৰসংগক্ৰমে মধ্যপ্ৰদেশৰ সাগৰ আৰু সংলগ্ন বুণ্ডেলখণ্ড জিলাতো শিখ জনসংখ্যা যথেষ্ট বেছি ৷
চলিত বৰ্ষৰ নৱেম্বৰ-ডিচেম্বৰ মাহত মধ্যপ্ৰদেশত বিধানসভা নিৰ্বাচন অনুষ্ঠিত হোৱাৰ কথা। তাৰ আগতে প্ৰায় ১০০ কোটি টকা খৰচ কৰি সন্ত ৰবিদাস মন্দিৰ নিৰ্মাণৰ কাম আৰম্ভ হৈছিল। প্ৰায় ১০ হাজাৰ বৰ্গমিটাৰ মাটিত ‘নাগৰা’ শৈলীৰ স্থাপত্য অনুসৰি নিৰ্মাণ হ’ব এই মন্দিৰ। চৰকাৰী সূত্ৰৰ মতে, মন্দিৰৰ আধাৰশিলা স্থাপনৰ উপৰিও সাগৰত মোদীয়ে এখন ৰাজহুৱা সভাও অংশগ্ৰহণ কৰিব। প্ৰসংগক্ৰমে ২০১৯ চনত হাৰিয়ানা বিধানসভা নিৰ্বাচনৰ পূৰ্বে কেন্দ্ৰই দিল্লীৰ সন্ত ৰবিদাস মন্দিৰ পুনৰ নিৰ্মাণৰ উদ্যোগ লৈছিল।
