কেইবাটাও কার্যসূচীৰে আজি গুৱাহাটীত উপস্থিত হৈছে আম আদমী পার্টী চমুকৈ আপৰ সাংসদ সঞ্জয় সিং ৷ দিনৰ প্ৰায় ১ বজাত সাংসদজন বৰঝাৰ বিমানবন্দৰত উপস্থিত হয় ৷ তেওঁক বিমানবন্দৰত উষ্ম আদৰণি জনায় আপ অসমৰ ৰাজ্যিক নেতৃত্বই ৷ উল্লেখ্য যে আগন্তুক লোকসভা আৰু পঞ্চায়ত নিৰ্বাচনত প্ৰাকক্ষণত দলটোৰ সাংগঠনিক ভেটি সুদৃঢ় কৰা অসমলৈ আহিছে ৰাজ্যসভাৰ সাংসদজন ৷
প্ৰাপ্ত তথ্য অনুসৰি সঞ্জয় সিঙে দিনৰ ৩.১৫ বজাত মাছখোৱাস্থিত আইটিএ কেন্দ্ৰত অনুষ্ঠিত হ’ব লগা দলটোৰ অসমৰ বিষয়বীয়া, কৰ্মকৰ্তাৰ ‘নেতৃত্ব বিকাশ সন্মিলন’ ত অংশগ্ৰহণ কৰিব ৷ সন্ধিয়া ভাগত বিৰোধী দলৰ বিভিন্ন ৰাজনৈতিক দলৰ নেতাক সাক্ষাৎ কৰা সম্ভাৱনা আছে সিঙে ৷ তদুপৰি বিয়লি ৪.৩০ বজাত ৰাজ্যিক নেতৃত্বৰে এখন বৈঠকত মিলিত হ’ব সঞ্জয় সিং ৷
উক্ত সম্মিলনত দলটোৰ ৰাষ্ট্ৰীয় তত্ত্বাবধায়ক ৰাজেশ শৰ্মা আৰু অসম ৰাজ্যিক সভাপতি ভবেন চৌধুৰীকে প্রমুখ্য কৰি কেইবাজনো ৰাজ্যিক নেতা উপস্থিত থাকিব।
