পুনৰ বিবাহপাশত আৱদ্ধ হ’ল পাক ক্ৰিকেটাৰ ছোৱেইব মালিক ৷ ভাৰতীয় টেনিছ তাৰকা ছানিয়া মিৰ্জাৰ সৈতে বিবাহ বিচ্ছেদৰ উৰাবাতৰিৰ মাজতে বিবাহপাশত আবদ্ধ হয় পাকিস্তানী ক্ৰিকেটাৰগৰাকীয়ে। তেওঁ নিজেই ছচিয়েল মিডিয়াত ফটো পোষ্ট কৰি বিবাহৰ কথা ঘোষণা কৰে ।
উল্লেখ্য যে সম্প্ৰতি অষ্ট্ৰেলিয়ান অ’পেনৰ ব্যস্ত হৈ আছে ছানিয়া। পাকিস্তানী অভিনেত্ৰী ছানা জাভেদৰ সৈতে বিবাহ পাশত আৱদ্ধ হয় ছোৱেইবে। বুধবাৰে ছানিয়া মির্জাই স্বামীৰ সৈতে বিচ্চেদৰ ইংগিত দি ছছিয়েল মিডিয়াত পোষ্ট কৰিছিল ৷ দুদিন পূৰ্বে ভাৰতীয় টেনিছ তাৰকাগৰাকীয়ে ছ’চিয়েল মিডিয়াৰ পৰা ছোৱেইবৰ সকলো ছবি ডিলিট কৰিছিল। মাত্ৰ পুত্ৰৰ সৈতে দুয়োৰে এখন ছবি ডিলিট কৰা নাছিল ৷
যোৱা বছৰৰ পৰাই ছানিয়া আৰু ছোৱেইবৰ সম্পৰ্কৰ ইংগিত পোৱা গৈছিল। ছানিয়াৰ ঘৰত অনুষ্ঠিত হোৱা ইফতাৰ পাৰ্টিত ছোৱেইব উপস্থিত নাছিল। ইফতাৰ পাৰ্টিৰ ভিডিঅ’টো ছ’চিয়েল মিডিয়াত শ্বেয়াৰ কৰিলে ছানিয়াই। পুত্ৰ ইজাহানকে ধৰি বাকী পৰিয়ালটো তাতেই আছিল। কিন্তু দেখা নগ’ল পাকিস্তানী ক্ৰিকেটাৰগৰাকীক।
