অসম সন্তান ৰিয়ান পৰাগৰ আন এক কৃতিত্ব ৷ এদিনীয়া ক্ৰিকেটত ভাৰতীয় দলৰ হৈ অভিষেক ঘটিল ৰিয়ানৰ ৷ শ্ৰীলংকাৰ বিৰুদ্ধে এদিনীয়া শৃংখলাৰ আজিৰ অন্তিমখন মেচত মূল একাদশত স্থান লাভ কৰে ৰিয়ানে ৷ শ্ৰীলংকাৰ বিৰুদ্ধে এদিনীয়া আৰু টি-২০ দুয়োটা দলতে স্থান লাভ কৰিছিল ৰিয়ানে ৷ টি- ২০ মেচকেইখনত তেওঁ খেলিবলৈ সুযোগ পালেও এদিনীয়াৰ মূল একাদশত স্থান লাভ কৰা নাছিল ৷ কিন্তু এদিনীয়া শৃংখলাৰ অন্তিমখন মেচত আজি ৰিয়ানক স্থান দিয়া হৈছে ৷ ভাৰতীয় দলৰ হৈ এদিনীয়া ক্ৰিকেট খেলা ৰিয়ান হৈছে প্ৰথম অসমীয়া ৷ উল্লেখ্য যে আজিৰ মেচখনত টছত জয়ী হৈ শ্ৰীলংকাই প্ৰথমে বেটিং কৰিবলৈ সিদ্ধান্ত গ্ৰহণ কৰিছে ৷ ৰিয়ানে বিৰাট কোহলিৰ পৰা অভিষেক টুপী গ্ৰহণ কৰে ৷
