জনপ্ৰিয় সামাজিক মাধ্যম প্লেটফৰ্ম ফেচবুকত বহুল ভাৱে সমাদ্ৰিত হৈছে অসমৰ জনপ্ৰিয় কণ্ঠশিল্পী সীমান্ত শেখৰৰ এটা প’ষ্ট ৷ পত্নী তথা জনপ্ৰিয় অভিনেত্ৰী প্ৰীতি কংকনাৰ এটি সুখবৰ অনুৰাগী সকলক জনাই সামাজিক মাধ্যমৰ যোগেদি পত্নীক শুভকামনা জ্ঞাপন কৰিলে সীমান্ত শেখৰে ৷ ফেচবুকত প্ৰীতি কংকনাই হিন্দী ভাষাত কৰা এটা বাণিজ্যিক বিজ্ঞাপনৰ ভিডিঅ’ আপলোড কৰি কণ্ঠশিল্পী গৰাকীয়ে লিখিলে যে ৰাষ্ট্ৰীয় পৰ্যায়ৰ এটা বাণিজ্যিক বিজ্ঞাপনত অভিনয় কৰাৰ বাবে এইয়া তেওঁৰ সহধৰ্মিণী প্ৰীতি কংগনাৰ প্ৰথমটো খোজ ৷ বলিউদৰ জনপ্ৰিয় অভিনেতা হৃত্বিক ৰোশনৰ সৈতে প্ৰীতিয়ে এটা বাণিজ্যিক বিজ্ঞাপনত অভিনয় কৰাৰ সুযোগ লাভ কৰিছে। সেয়েহে তেওঁ প্ৰীতিক যাঁচিছে অলেখ শুভেচ্ছা।লগতে তেওঁৰ ঈশ্বৰৰ ওচৰত প্ৰাৰ্থনা তেওঁৰ পত্নী যাতে আৰু আগবাঢ়ি যায় ৷
সীমান্ত শেখৰৰ এই প’ষ্ট টোৱে ৬৪ হাজাৰতকৈও অধিক দৰ্শন লাভ কৰিবলৈ সক্ষম হৈছে ৷ আনহাতে প’ষ্টটোত প্ৰায় ৩৬০০জন লোকে নিজৰ প্ৰতিক্ৰিয়া প্ৰকাশ কৰা লগতে ২৫বাৰকৈ শ্বেয়াৰ হৈছে এই প’ষ্ট ৷
অৱশ্যে বাণিজ্যক বিজ্ঞাপনটোত কোনো ডায়লগ নাথাকিলেও অসমৰ মোহময়ী অভিনেত্ৰী প্ৰীতিকংকনাৰ অভিনয়ে নিশ্চয় আকৰ্ষণ কৰিছে সকলোকে ৷ বলীউডৰ জনপ্ৰিয় অভিনেতা হৃত্বিক ৰোশনৰ লগত কৰা এই বিজ্ঞাপনেই হয়তো হ’ব পাৰে অসমীয়া অভিনেত্ৰী গৰাকীৰ বাবে এক সুৱৰ্ণ সুযোগ ৷
এই ক্ষেত্ৰত এগৰাকী অসমীয়া অভিনেত্ৰী হিচাপে প্ৰীতি কংকনাৰ এই সফলতাত যেন সুখী হৈছে তেওঁলোকৰ প্ৰতিগৰাকী অনুৰাগী ৷ সেয়েহে প’ষ্টটোত তেওঁলোকৰ মন্তব্য তথা বিভিন্ন প্ৰতিক্ৰিয়া ব্যক্ত কৰি সেয়ে প্ৰীতি কংকনাক যাঁচিছে অলেখ অযুত শুভকামনা ৷
