কেইবাখনো অসমীয়া চলচ্চিত্ৰ, সংগীত ভিডিঅ’ত নৃত্য প্ৰদৰ্শন কৰা শিল্পী চন্দনা দেৱীৰ অকাল বিয়োগ

কেইবাখনো অসমীয়া চলচ্চিত্ৰ আৰু সংগীত ভিডিঅ’ত নৃত্য প্ৰদৰ্শন কৰা অসমীয়া শিল্পী চন্দনা দেৱীয়ে মঙলবাৰে নিশা শেষ নিশ্বাস ত্যাগ কৰে। সূত্ৰ অনুসৰি  বৃক্কৰ ৰোগত আক্ৰান্ত আছিল চন্দনা  যাৰ ফলত  অকাল মৃত্যুক আঁকোৱালি ল’ব লগীয়া হ’ল শিল্পী গৰাকীয়ে ।

চন্দনাৰ দৰে এগৰাকী উদীয়মান শিল্পীৰ মৃত্যুত শোকস্তব্ধ হৈ পৰিছে সমগ্ৰ অসমবাসী ৷ আনহাতে বিজেপিৰ প্ৰাক্তন বিধায়িকা আঙ্গুৰলতা ডেকাই এক টুইটযোগে শোকসন্তপ্ত পৰিয়ালক  সমবেদনা জ্ঞাপন কৰিছে।

“অসমীয়া চলচ্চিত্ৰ উদ্যোগৰ প্ৰখ্যাত নৃত্যশিল্পী শ্ৰীমতী চন্দনা দেৱীৰ মৃত্যুৰ কথা শুনি দুখ লাগিছে। শিল্পীগৰাকীৰ পৰিয়ালৰ প্ৰতি মোৰ গভীৰ সমবেদনা, বিদেহী আত্মাই চিৰশান্তিত লাভ কৰক। ওম শান্তি,” ।

It's heartwrenching to hear about the demise of Smt.Chandana Devi, well known dancer of Assamese Film Industry. My deepest condolence to the beavered family, may the departed soul rest in eternal peace. Om Shanti 🙏🏻 pic.twitter.com/mF4ENIVWnQ

— Angoorlata Deka (@DekaAngoorlata) July 27, 2022