শেহতীয়াকৈ ইণ্টাৰনেটত ভাইৰেল হৈছে মেট্ৰ’ত ভ্ৰমণ কৰা স্কুলীয়া ল’ৰা-ছোৱালীৰ অপূৰ্ব সংগীত পৰিবেশনৰ এটি ভিডিঅ’ ৷ যি সংগীত স্তব্ধ হৈ শুনিছে প্ৰতিগৰাকী যাত্ৰীয়ে
অৱশ্যে এনেধৰণৰ বহুতো ভিডিঅ’ হয়তো আপুনি আগতেও দেখিছে যি আপোনাক সুখী কৰি তোলে বাটে-পথে আপুনি য’তেই নাথাকক কিয় । কিন্তু এই ভিডিঅ’টো আন ভিডিঅ’তকৈ নিশ্চয় কিছু সুকীয়া৷ দিল্লী মেট্ৰ’ত ভ্ৰমণ কৰা কিছুমান স্কুলীয়া ল’ৰা-ছোৱালীয়ে হাতত গীটাৰ লৈ এটি জনপ্ৰিয় গীত পৰিবেশন কৰা এই ভিডিঅ’ই অনুভৱী কৰি তুলিব আপোনাকো ৷ হয়তো আপোনাক কিছু নষ্টালজিক কৰি তুলিব পাৰে আৰু আপোনাৰ সেই স্কুলীয়া দিনবোৰৰ কথাও মনত পেলাই দিব পাৰে এই ভিডিঅ’টোৱে ।
ইনষ্টাগ্ৰামত শ্বেয়াৰ কৰা এই ভিডিঅ’টোত এগৰাকী ছাত্ৰী আৰু তেওঁৰ বন্ধুসকলে ‘শ্বেৰ শ্বাহ ‘ ছবিৰ জনপ্ৰিয় গীত ‘মান ভৰিয়া’পৰিবেশন কৰা দেখা গৈছে। যি বহুল ভাৱে সমাদৃত হৈছে নেটিজেন সকলৰ মাজত ।ভিডিঅ’টো সামাজিক মাধ্যম ইনষ্টাগ্ৰামত শ্বেয়াৰ কৰা হৈছে হৰ্ষ শৰ্মা নামৰ এটা একাউণ্টৰ পৰা ৷ ২৮হাজাৰৰো অধিক প্ৰতিক্ৰিয়া লাভ কৰিবলৈ সক্ষম হোৱা এই ভিডিঅ’টো আপলোড কৰি হৰ্ষে লিখিছে যে তেওঁ মেট্ৰ’ৰে ভ্ৰমণ কৰি থকাৰ সময়ত সাংঘাটিক ভাৱে প্ৰতিভাৱান এই ছাত্ৰ-ছাত্ৰী কেইজনৰ গীত পৰিবেশন তেওঁৰ বাবে সৰ্বশ্ৰেষ্ঠ লাইভ পৰিবেশন ৷ সেয়েহে তেওঁ এই সুন্দৰ প্ৰতিভাক অনুপ্ৰাণিত কৰিবলৈ সকলোৰে পৰা মন্তব্য আশা কৰিছে আপলোড কৰোঁতা প্ৰফাইলটোৱে ৷
https://www.instagram.com/reel/Cld0Kf5AKcz/?utm_source=ig_web_copy_link
