সকলো অপেক্ষাৰ অন্ত পালায় মুকলি কৰা হ’ল “ড্ৰিম গাৰ্ল” ছবিৰ টিজাৰ । অহা ২৫ আগষ্টত ছবিগৃহত মুক্তি পাব ছবিখনে । ইয়াৰ পূৰ্বে ছবিখনৰ মুখ্য অভিনেতা আয়ুষ্মান খুৰানাই ছবিখনৰ প্ৰচাৰৰ বাবে এক নতুন কৌশল গ্ৰহণ কৰিছে ।
এইবাৰ তেওঁ সাধাৰণ মানুহৰ লগত ফোনত কথা পাতিব। প্ৰাপ্ত তথ্য অনুসৰি ছবিখনৰ প্ৰচাৰৰ বাবে দিল্লীৰ এটা কল চেণ্টাৰত কিছু সময় কটাব আয়ুষ্মানে। সেই সময়ত তেওঁ সকলোৰে লগত পূজাৰ মাতত কথা পাতিব। মুক্তিৰ দুসপ্তাহমান আগতে ছবিখনৰ প্ৰচাৰৰ বাবে নিৰ্মাতাসকলে এনে এক নতুন কৌশল গ্ৰহণ কৰিছে। অৱশ্যে কোনটো কল চেণ্টাৰলৈ যাব আয়ুষ্মান যাব এতিয়াও সিদ্ধান্ত লোৱা নাই বুলি জানিব পৰা গৈছে।
কিছুদিন পূৰ্বে মুক্তি পাইছিল ‘ড্ৰিম গাৰ্ল ২’ ছবিখনৰ প্ৰচাৰমূলক ট্ৰেইলাৰ। ছ’চিয়েল মিডিয়া পেজত ছবিখনৰ প্ৰচাৰৰ লগতে ছবিখনৰ মুক্তিৰ তাৰিখো ঘোষণা কৰে আয়ুষ্মানে। ২০১৯ চনত মুক্তি লাভ কৰিছিল ‘ড্ৰিম গাৰ্ল’। আয়ুষ্মানে পূজা ৰূপে দৰ্শক আৰু সমালোচকৰ হৃদয় জয় কৰিছিল। ছবিখনৰ বক্স অফিচত অবিশ্বাস্য সফলতাৰ পিছত নিৰ্মাতাসকলে ঘোষণা কৰে ‘ড্ৰিম গাৰ্ল ২’। ‘ড্ৰিম গাৰ্ল’ ছবিখনত আছিল অভিনেত্ৰী নুছৰত ভাৰুচা। অৱশ্যে ছবিখনৰ ছিকুৱেলত আয়ুষ্মানৰ বিপৰীতে দেখা যাব অভিনেত্ৰী অনন্যা পাণ্ডেক। ২৫ আগষ্টত মুক্তি পাব ড্ৰিম গাৰ্ল ২।
