মঙলবাৰে ভগ্নী অৰ্পিতা খানৰ ঈদ উদযাপন অনুষ্ঠানত চলমান খানক দেখা পোৱা গ’ল তেওঁৰ কেইবাজনো সহ-তাৰকাৰ সৈতে । তেওঁলোকৰ ভিতৰত আছিল কৰিশ্মা কাপুৰ, যি তেওঁৰ সৈতে আন্দাজ আপনা আপনা, হাম সাথ-সাথ হে, বিৱি নম্বৰ ১ আৰু চল মেৰে ভাইকে ধৰি কেইবাখনো জনপ্ৰিয় চলচ্চিত্ৰত কাম কৰিছিল ৷ আনহাতে জনপ্ৰিয় অভিনেত্ৰী তথা চলমানৰ ভাল বান্ধৱীওকৰিশ্মা কাপুৰে চলমানক ঈদৰ শুভেচ্ছা জ্ঞাপন কৰি আলিংগন কৰা দৃশ্য বন্দী হ’ল কেমেৰাত ।পাৰ্টিৰ পিছত, কৰিশ্মাই ছলমানৰ সৈতে তোলা দুখন ফটো ইনষ্টাগ্ৰামত শ্বেয়াৰ কৰিছিল আৰু শিৰোনাম দিছিল, “বেক উইথ দ্য অ’জি। ঈদ মুবাৰক সকলোকে #bestfriendsforever।”
ঈদৰ এই বিশেষ পাৰ্টিত অংশগ্ৰহণ কৰা আন সকলৰ ভিতৰত আছিল আন কেইবাগৰাকীও জনপ্ৰিয় অভিনেতা-অভিনেত্ৰী ৷ তেওঁলোক হ’ল সোণাক্ষী সিনহা, জেকলিন ফাৰ্ণাণ্ডেজ, দিয়া মিৰ্জা, কাৰ্তিক আৰ্যন, ৰিতেশ আৰু জেনেলিয়া দেশমুখ আৰু টাবু।সোনাক্ষী সিনহা আৰু হুমা কুৰেছি, যাক এতিয়া ‘ডাবল এক্সএল’ত দেখা যাব, ফটোগ্ৰাফাৰসকলৰ বাবে দুয়ো একেলগে প’জ দিছিল। দিয়া মিৰ্জা , ছানী লিয়নী আৰু সুস্মিতা সেন তেওঁৰ ডাঙৰ জীয়েক ৰেনিৰ সৈতে পাৰ্টিটোত উপস্থিত আছিল। চেইফ আলী খানৰ পুত্ৰ ইব্ৰাহিম আলী খানকো দেখা গৈছিল অনুষ্ঠানত।
শীঘ্ৰেই ‘ভুল ভুলইয়া ২’ ত একেলগে দেখা পাবলগীয়া কিয়াৰা আৰু টাবুক দেখা গৈছিল অনুষ্ঠানস্থলীৰ ভিতৰত । পত্নী জেনেলিয়া দেশমুখৰ সৈতে ৰীতেশ দেশমুখো উপস্থিত আছিল পাৰ্টিত। ইফালে পত্নী নেহা ধুপিয়াৰ সৈতে দেখা গৈছিল অঙ্গদ বেদীক ৷ পুলকিত সম্ৰাট প্ৰেমিকা কৃতি খাৰবান্দাৰ সৈতে উপস্থিত আছিল।আনহাতে মনীষ মালহোত্ৰাই অনুষ্ঠানৰ বহুতো ফটো সামাজিক মাধ্যমত শ্বেয়াৰ কৰিছিল ।
চলমানৰ দ্বিতীয় মাতৃ হেলেন, ভগ্নী আলভিৰা অগ্নিহোত্ৰী আৰু স্বামী অতুল অগ্নিহোত্ৰী, ভাতৃ ছোহেল খান, আৰবাজ খানৰ প্ৰেমিকা জিঅৰ্জিয়া এন্দ্ৰিয়ানি আৰু অনুষ্ঠানটোৰ আয়োজক অৰ্পিতা খান আৰু স্বামী আয়ুষ শৰ্মাকো ঈদ উদযাপনৰ এই বিশেষ অনুষ্ঠানটোত আকৰ্ষণীয় ৰূপত ফটোগ্ৰাফাৰসকলে বন্দী কৰিছিল কেমেৰাত ।
