কিংবদন্তি অভিনেতা অমিতাভ বচ্চনৰ এগৰাকী ‘গল্লী বয়’, ‘গেহৰাইয়ান’ খ্যাতি সিদ্ধান্ত চতুৰ্বেদী আৰু শ্বেতা বচ্চনৰ কন্যা নব্য নবেলী নন্দক লৈ দীৰ্ঘদিন ধৰি চৰ্চা চলি আহিছে। যোৱা বছৰ অভিনেতাগৰাকীক প্ৰায়ে বিভিন্ন সময়ত নব্যাৰ সৈতে দেখা গৈছিল। দুয়োৰে প্ৰেমৰ সম্পর্কক লৈ চর্চাও চলিছিল । বছৰৰ আৰম্ভণিতে সিদ্ধান্তৰ মাক-দেউতাকৰ সৈতেও দেখা গৈছিল নব্যাক ৷ কেতিয়াবা কৰণ জোহৰৰ জন্মদিনৰ পাৰ্টিত একেলগে কেমেৰাত ধৰা পৰিছিল সিদ্ধান্ত-নব্যা । অৱশ্যে দুয়ো গৰাকী তাৰকাই কেতিয়াও মুকলিভাৱে প্ৰেমৰ সম্পর্কৰ কথা স্বীকাৰ কৰা নাই ৷
এইবাৰ সিদ্ধান্তক আকৌ দেখা গ’ল নব্যাৰ লগত। কেমেৰাৰ পতৰা নিজকে লুকঢাক কৰিবলৈ চেষ্টাও নকৰিলে দুয়ো ৷ ছুটীৰ অন্তত গোৱাৰ পৰা একেলগে উভতি আহিছিল দুয়ো। দুয়োকে একেলগে বিমানবন্দৰৰ পৰা ওলাই অহা দেখা গৈছিল। কিন্তু আন তাৰকাৰ দৰে গোপন কথা ৰখাৰ পৰিৱৰ্তে খোলাকৈয়ে বিমানবন্দৰৰ বাহিৰত দেখা গ’ল দুয়োকে । বিমানবন্দৰৰ পৰা পৃথকে পৃথকে লুকাই বা ওলাই অহাৰ কোনো চেষ্টা কৰা নাছিল।
২০১৭ চন টেলিভিছন ধাৰাবাহিক ‘লাইফ সহি হে’ৰ জৰিয়তে অভিনয় জগতত প্ৰৱেশ কৰিছিল সিদ্ধান্তই। ‘ইনছাইড এজ’ৰ দৰে ধাৰাবাহিকৰ পিছত ৰণবীৰ সিঙৰ সৈতে ‘গল্লী বয়’ত কাম কৰাৰ সুযোগ পায় তেওঁ । ইতিমধ্যে দীপিকা পাডুকন, কেটৰিনা কাইফৰ দৰে তাৰকাৰ সৈতে কাম কৰিছিল সিদ্ধান্তই । আনহাতে নব্য নিজৰ প’ডকাষ্ট শ্ব’ ‘ৱাট দ্য হেল নব্য’ত ব্যস্ত। তেওঁৰ পডকাষ্টত বহু তাৰকাৰ সৈতে আড্ডা মাৰিছিল।
