বলীউড তাৰকা শ্বাহৰুখ খানৰ বৈষ্ণো দেৱী মন্দিৰ দৰ্শন

বৰ্তমান সময়ত  নতুন ছবি ‘পাঠান’ৰ বাবে  চৰ্চাত বলীউডৰ জনপ্ৰিয় অভিনেতা শ্বাহৰুখ খান ৷ অনুৰাগী সকলৰ বাবে সুখৰ খবৰ যে  চাৰিবছৰৰ মূৰত এইবাৰ ‘পাঠান’ৰ যোগেদি বলীউড জগতলৈ পুনৰ উভটিছে কিংখান ৷

পাঠান ছবি খনে মুক্তি লাভ কৰাৰ প্ৰাকমূহুৰ্তত  এইবাৰ বৈষ্ণো দেৱী মন্দিৰ দৰ্শন কৰি দেৱীৰ আশীৰ্বাদ ল’লে  জনপ্ৰিয় অভিনেতাগৰাকীয়ে  ৷  তেওঁ  মন্দিৰ দৰ্শন কৰা এই  ভিডিঅ’ই  ইতিমধ্যে সামাজিক মাধ্যমত প্ৰচূৰ সমাদৰ লাভ কৰিছে  ৷

SRK recently visited Mata Vaishnodevi to seek blessings.pic.twitter.com/Cr17b9N7gz

— Shah Rukh Khan Fc – Pune ( SRK Fc Pune ) (@SRKFC_PUNE) December 12, 2022

শ্বাহৰুখ খান ফেন ক্লাৱৰ পৰা সামাজিক মাধ্যমত শ্বেয়াৰ কৰা এই ভিডিঅ’টোত দেৱী দৰ্শনৰ বাবে শ্বাহৰুখ খানক বৈষ্ণোদেৱী মন্দিৰলৈ  যোৱা পৰিলক্ষিত হৈছে ৷ তেওঁৰ অংগৰক্ষক সকলে বেৰি আছে  জনপ্ৰিয় বলীউড তাৰকা গৰাকীক৷ ক’লা ৰঙৰ হুডী পৰিধান কৰা বলীউড তাৰকা গৰাকীয়ে  এজন জনপ্ৰিয় অভিনেতা বা তাৰকা হোৱা স্বত্বেও  খোজ কাঢ়ি মন্দিৰ দৰ্শনলৈ অহা দৃশ্যই  আপ্লুত কৰিছে অনুৰাগী সকলক৷ সেয়েহে ভিডিঅ’টোত মন্তব্যৰ যোগেদি তেওঁক মৰম ,আশীৰ্বাদ প্ৰদান কৰিছে সহস্ৰ অনুৰাগীয়ে ৷

উল্লেখযোগ্য যে বৈষ্ণোদেৱী মন্দিৰলৈ যোৱাৰ আগত অভিনেতা গৰাকী প্ৰাৰ্থনাৰ বাবে মক্কালৈকো গৈছিল আৰু ইয়াৰো বহু ছবি সামাজিক মাধ্যম যোগে প্ৰকাশিত হৈছিল ৷ এই সময়ছোৱাত অভিনেতা গৰাকীয়ে পৰিধান কৰিছিল বগা কাপোৰ আৰু মাস্ক ৷