যোৱা বছৰৰ পৰা বিতৰ্কৰ মাজতো ‘আদিপুৰুষ’ক চেঞ্চৰ ব’ৰ্ডে অনুমতি প্ৰদান কৰিছে ৷ ছবিখনৰ দৈর্ঘ্য ৩ ঘণ্টা, যিটো আন হিন্দী ছবিতকৈ বেছি। ‘ৰামায়ণ’ৰ আধাৰত নিৰ্মিত ওম ৰাউতৰ পৰিচালনাত নিৰ্মিত এই ছবিখন চেন্সৰ ব’ৰ্ডৰ কেঁচিয়ে স্পৰ্শ কৰিব নোৱাৰিলে। ৰাৱণৰ ৰূপত ছৈফ আলী খানৰ চৰিত্ৰল লৈ প্ৰথম অৱস্থাত বিতর্কৰ সুচনা হৈছিল ৷ হিন্দুত্ববাদী একাংশই দাবী কৰিছিল যে ৰাৱণে হিন্দু ব্ৰাহ্মণৰ দৰে সাজ-পোছাক পৰিধান কৰা নাছিল। ছবিখনত ছৈফক মোগল শাসকৰ দৰে দেখা গৈছে। অৱশ্যে পৰৱৰ্তী ট্ৰেইলাৰৰ পৰা ৰাৱণক দেখা পোৱা নগ’ল। সেই বিশেষ বিতৰ্কও নতুন বছৰলৈ ম্লান হৈ পৰিছে। এটা চৰিত্ৰ শেষলৈকে কেনেকুৱা হ’ব সেয়া কেৱল থিয়েটাৰতহে বুজিব পৰা যাব ৷
কিন্তু ‘আদিপুৰুষ’ক লৈ হোৱা বিতৰ্ক বেলেগ! পৌৰাণিক কাহিনীৰ আধাৰত নিৰ্মিত ছবিসমূহ বাৰে বাৰে সমালোচনাৰ আওতালৈ আহিছে। শেহতীয়াকৈ ছবিখনৰ সফলতা কামনা কৰি তিৰুপতি মন্দিৰত পূজা আগবঢ়োৱাৰ সময়ত নিজেই পৰিচালকগৰাকীয়ে কটুক্তিৰ বলি হৈছিল। মন্দিৰ চৌহদত অভিনেত্ৰী কৃতি ছাননক সাৱটি ধৰি চুমা খাই বিতৰ্কৰ সৃষ্টি কৰে ওমে। কিন্তু ‘আদিপুৰুষ’ৰ টিকট বিক্ৰীৰ কোনো পৰিৱৰ্তন নহ’ল।
প্ৰকাশৰ পূৰ্বে চেঞ্চৰ ব’ৰ্ডৰ প্ৰমাণ পত্ৰ অনুমোদন কৰা হৈছে। ‘আদিপুৰুষ’ সমগ্ৰ বিশ্বতে প্ৰদৰ্শিত হ’ব । কেৱল সেয়াই নহয়, আগতীয়া টিকট বুকিঙৰ জৰিয়তে ইতিমধ্যে প্ৰায় ৮৫ শতাংশ বাজেট লাভ কৰিছে ৷ তেলেংগানাত বিনামূলীয়াকৈ বিক্ৰী হ’ল ১০ হাজাৰ চিনেমাৰ টিকট! তেলেংগানাৰ ‘আদিপুৰুষ’ পক্ষলৈ আহিছে ‘দ্য কাশ্মীৰ ফাইলছ’ ছবিখনৰ অন্যতম প্ৰযোজক অভিষেক আগৰৱালা। তেওঁ তেলেংগানাৰ দৰ্শকক ‘আদিপুৰুষ’ৰ ১০ হাজাৰ টিকট দান কৰাৰ সিদ্ধান্ত লয়। অভিষেকৰ এই সিদ্ধান্ত ছবিখনৰ প্ৰতি তেওঁৰ নিজৰ সমৰ্থনৰ ভিত্তিত লোৱা বুলি কোৱা হৈছে।
অৱশ্যে এই বিনামূলীয়া টিকট লাভ কৰিবলৈ কেইবাটাও চৰ্ত আছে। এই ১০ হাজাৰ টিকট ৰাজ্যৰ চৰকাৰী বিদ্যালয়ৰ ছাত্ৰ-ছাত্ৰী, বৃদ্ধা আৰু অনাথ আশ্ৰমৰ সদস্যৰ বাবে আবণ্টন দিয়া হৈছে। কেৱল অভিষেক আগৰৱালাই নহয়, বলীউডৰ অভিনেতা ৰণবীৰ কাপুৰেও আৰ্থিকভাৱে পিছপৰা শিশুৰ বাবে ১০ হাজাৰ টিকট ক্ৰয় কৰিবলৈ ওলাইছে। শেহতীয়াকৈ এই খবৰটো ছ’চিয়েল মিডিয়া পেজত প্ৰকাশ কৰিছে বলীউডৰ বাণিজ্য বিশেষজ্ঞ তৰণ আদৰ্শই। শ্ব’টোৰ প্ৰথম তিনিদিনতে বাকী ধন সংগ্ৰহ কৰা হ’ব বুলি আশা কৰিছে নির্মাতাসকলে। গতিকে লাভ নাথাকিলেও লোকচানৰ সম্ভাৱনা নাই।
সামগ্ৰিকভাৱে অৱশ্যে কোনো বিতৰ্কই ‘আদিপুৰুষ’ৰ জয়া যাত্ৰা ৰোধ কৰিব নোৱাৰিলে। প্ৰভাস, কৃতি আৰু ছৈফ আলী খান অভিনীত ছবি ‘আদিপুৰুষ’ ১৬ জুনত পৰ্দাত মুক্তি পাব।
