“পুষ্পা, আই হেট টিয়ার্চ” সংলাপটোৱে এতিয়াও বহু দৰ্শকক আপ্লুত কৰিব। সত্তৰৰ দশক আৰু আশীৰ দশকৰ বলীউডৰ জনপ্ৰিয় দম্পতী আছিল শৰ্মিলা ঠাকুৰ আৰু ৰাজেশ খান্না। ১৯৬৯ চনত প্ৰথমবাৰৰ বাবে একেলগে অভিনয় কৰিছিল ‘আৰাধনা’ ছবিত। ছবিখনে বিপুল জনপ্ৰিয়তা লাভ কৰিছিল। ‘মৰ প্ৰেম’, ‘কোটি পটংগ’ ৰ দৰে সফল ছবিত তেওঁলোকৰ কেমিষ্ট্ৰীয়ে মানুহক আপ্লুত কৰিছিল যদিও এটা সময়ত শৰ্মিলাই ৰাজেশৰ সৈতে কাম কৰা বন্ধ কৰি দিছিল। কিন্তু কিয়?
ৰাজেশৰ ওপৰত নিৰ্মিত ‘ৰাজেশ খান্না: এক তন্হা সীতাৰা’ অডিঅ’বুকত শৰ্মিলাই কয় যে ইয়াৰ মূল কাৰণ শ্বুটিঙত বিলম্ব । অভিনেত্ৰীগৰাকী নিজেই পুৱা ৮ বজাত আহিছিল, নিশা ৮ বজাৰ ভিতৰত ঘৰলৈ উভতি যাব বিচাৰিছিল।
শৰ্মিলাই কয়, “কিন্তু ‘কাকা’ (ৰাজেশ)ৰ সৈতে শ্বুটিং কৰাটো অসম্ভৱ আছিল। ৯ বজাৰ শ্বিফট হ’লে ১২ বজাৰ আগতে উপস্থিত নহয় । আমি সময়মতে কাম শেষ কৰিব পৰা নাছিলো। ইউনিটটোৰ ওপৰত হেচাঁৰ সৃষ্টি হৈছিল ৷মোক অভাৰটাইম কাম কৰিবলৈ বাধ্য কৰালে। ই এটা নিয়ম হৈ পৰিছিল। ইয়াক লৈ মোৰ মনত দ্বন্দৰ সৃষ্টি হৈছিল ৷ “ শেষত শৰ্মিলাই ৰাজেশৰ লগত কাম নকৰিবলৈ সিদ্ধান্ত গ্ৰহণ কৰিছিল ৷
শৰ্মিলাই ক’লে, “ৰাজেশেও বাৰে বাৰে একেগৰাকী নায়িকাৰ সৈতে কাম কৰিব বিচৰা নাছিল। স্থবিৰতা ভাল নহয়। অৱশ্যে দুই এখন ছবিত আমি একেলগে কাম কৰিলোঁ। ই মোক বহুত সকাহ দিলে।” ৰাজেশৰ কেৰিয়াৰ পিছলৈ ইমান উজ্জ্বল নাছিল। তেওঁৰ ছবি বক্স অফিচত বিফল হৈছিল ৷ তেওঁ হতাশ হৈ পৰিল। ২০১১ চনৰ ১৮ জুলাইত কৰ্কট ৰোগত আক্ৰান্ত হৈ মৃত্যু হয়। শৰ্মিলাই অৱশ্যে এতিয়াও কাম কৰি আছে। ১৩ বছৰৰ পাছত ‘গুলমোহৰ’ ছবিৰে অভিনয়লৈ ঘূৰি আহিছিল। অ’টিটিৰ জৰিয়তে তেওঁৰ এয়াই প্ৰথম কাম।
