কোনো এটা কাৰণেই ওজন বৃদ্ধি কৰিব নোৱাৰে। বাহিৰৰ খাদ্য খোৱা, নিয়মিত ব্যায়াম নকৰা, বেছিকৈ মিঠাই খোৱা – এইবোৰেই ওজন বৃদ্ধিৰ মূল কাৰণ। এবাৰ ওজন বৃদ্ধি হ’লে প্ৰায়ে কমাবলৈ কঠিন হৈ পৰে। কাৰণ ক্ষীণ হ’বলৈ খাদ্যাভ্যাস কঠোৰ হ’ব লাগিব। তাৰ লগতে ব্যায়ামো কৰিব লাগে । অৱশ্যে চৰ্বি কমাবলৈ স্বাস্থ্যসন্মত খাদ্য খোৱাত গুৰুত্ব দিয়াটো জৰুৰী। পুষ্টিবিদসকলৰ মতে, স্লিমিং ডায়েটত এটা আৱশ্যকীয় খাদ্য হ’ল ফল। যিসকলে ক্ষীণ হ’ব বিচাৰে তেওঁলোকক পুষ্টিবিদসকলে দৈনন্দিন খাদ্যত ফলমূল সন্নিৱিষ্ট কৰিবলৈ কয়। কিন্তু ওজন কমাব পৰা খাদ্যত সকলো ফল-মূল অন্তৰ্ভুক্ত কৰিব নোৱাৰি। কিছুমান ফল আছে, যিসমূহ খালে ওজন কমি যোৱাৰ সলনি ওজন বৃদ্ধি হ’ব পাৰে।
কল
কলে ভিতৰৰ পৰা শৰীৰক শক্তি প্ৰদান কৰে। কিন্তু দিনটোত এটাতকৈ অধিক কল খালে ওজন বৃদ্ধি হ’ব পাৰে। কাৰণ কলত কেলৰিৰ পৰিমাণ ১৫০। কাৰ্বহাইড্ৰেটৰ পৰিমাণ ৩৭.৫। কল খাবলৈ ভাল পালেও ওজন নিয়ন্ত্ৰণ কৰিব বিচাৰিলে বেছিকৈ কল নাখালে ভাল।
আম
আম বহুতৰে প্ৰিয় ফল। আম খালেও ওজন বৃদ্ধিৰ আশংকা থাকে। এই কথা শুনি বহুতে হয়তো হতাশ হ’ব। একাপ আমত প্ৰায় ৯৯ কেলৰি থাকে। আঁহৰ পৰিমাণো বেছি। কাৰ্বহাইড্ৰেটৰো প্ৰচুৰ পৰিমাণে পোৱা যায়। ক্ষীণ হৈ থাকিবলৈ বেছিকৈ আম নাখালে ভাল।
আনাৰস
এন্টিঅক্সিডেন্ট সমৃদ্ধ আনাৰসে শৰীৰৰ যত্ন লয়। ইয়াত পানীৰ পৰিমাণো অতি বেছি। শৰীৰত পানীৰ অভাৱ কমোৱাত আনাৰস অতি ফলপ্ৰসূ। আনাৰসত কেলৰি বেছি থাকে। আনাৰসত কাৰ্বহাইড্ৰেটৰ পৰিমাণো কম। আনাৰস বেছিকৈ খালে ওজন বৃদ্ধিৰ আশংকা থাকে।
