মাজুলীত বৃহৎ ভোটৰ ব্যৱধানত জয়লাভ ভুৱন গামৰ

মাজুলীৰ উপ নির্বাচনত প্ৰত্যাশিতভাৱে বৃহৎ বিজয় লাভ কৰিলে বিজেপিয়ে ৷ প্ৰাক্তন মুখ্যমন্ত্ৰী তথা কেন্দ্ৰীয় মন্ত্ৰী সর্বানন্দ সোণোৱালে পদত্যাগ কৰাৰ পাছত খালী হৈ পৰা বিধানসভা আসনখনত জয়লাভ কৰিছে  বিজেপিৰ প্ৰার্থী ভুৱন গামে ৷ অসম জাতীয় পৰিষদৰ প্ৰার্থী চিত্তৰঞ্জন বসুমতাৰীক ৪১,৭০০টা  ভোটৰ ব্যৱধানত   পৰাজিত কৰে গামে ৷ যোৱা ৬ মার্চত ভোটগ্ৰহণ অনুষ্ঠিত হৈছিল এই সমষ্টিটোত ৷ অসম জাতীয় পৰিষদৰ প্ৰার্থী চিত্তৰঞ্জন বসুমতাৰীক কংগ্ৰেছকে ধৰি আটাইকেউটা বিৰোধী দলে সমর্থন আগবঢ়াইছিল ৷ ইপিনে বৃহৎ ভোটৰ ব্যৱধানত জয়ী হোৱাৰ পাছত মাজুলীবাসীক কৃতজ্ঞতা জ্ঞাপন কৰাৰ লগতে সমষ্টিটোৰ উন্নয়নৰ বাবে কাম কৰি যাব বুলি মত প্ৰকাশ কৰে ৷