আজি নিশা ৮.৩০ বজাত গুৱাহাটীৰ লোকপ্ৰিয় গোপীনাথ বৰদলৈ আন্তঃৰাষ্ট্ৰীয় (এলজিবিআই) বিমানবন্দৰত উপস্থিত হ’ব এন ডি এৰ ৰাষ্ট্ৰপতি পদৰ প্ৰাৰ্থী দ্ৰৌপদী মূৰ্মু ।এন ডি এৰ প্ৰাৰ্থীগৰাকীক বিমানবন্দৰত জলসম্পদ, তথ্য আৰু জনসম্পৰ্ক মন্ত্ৰী পিযুষ হাজৰিকাই আদৰণি জনাব।
জানিবপৰা মতে অহা দুদিনৰ ভিতৰত ১৮ জুলাইত অনুষ্ঠিত হ’বলগীয়া ৰাষ্ট্ৰপতি নিৰ্বাচনৰ বাবে নিৰ্বাচনী সমৰ্থন সংগ্ৰহ কৰিবলৈ অৰুণাচল প্ৰদেশ আৰু মেঘালয়তো উপস্থিত থাকিব দ্ৰৌপদী মূৰ্মু।বৰ্তমান আগৰতলাত থকা মূৰ্মু সন্ধিয়া প্ৰায় ৬ বজাত মণিপুৰৰ ৰাজধানী ইম্ফলত উপস্থিত হ’ব আৰু সন্ধিয়া ৮ বজাৰ ভিতৰত গুৱাহাটীলৈ উৰা মাৰিব ৷ গুৱাহাটী মহানগৰীৰ হোটেল ৰেডিচন ব্লুত ৰাতিটো কটাব মূৰ্মুৱে।
আনহাতে বুধবাৰে ৰাতিপুৱাই তেওঁ যাত্ৰা কৰিব ইটানগৰঅভিমুখে আৰু তাৰ পৰাই মেঘালয়ৰ শ্বিলঙৰ ফালে যাত্ৰা কৰিব তেওঁ।উল্লেখযোগ্য যে ৭ জুলাইত মূৰ্মুয়ে গুৱাহাটীত নিৰ্বাচনৰ প্ৰচাৰ চলাব আৰু বিজেপি চৰকাৰক সমৰ্থন কৰা ৰাজনৈতিক দলসমূহৰ বিধায়কসকলৰ সৈতে ১৮ জুলাইত অনুষ্ঠিত হ’বলগীয়া নিৰ্বাচনৰ বিষয়ে বিষদভাৱে আলোচনা কৰিব।
