বিক্ৰম লেণ্ডাৰৰ হাই ৰিজ’লিউশ্বন কেমেৰা প্ৰস্তুত কৰিছিল ধেমাজিৰ বিজ্ঞানী অনুজ নন্দীয়ে, জন্মগাঁৱত আনন্দৰ লহৰ

সমগ্ৰ বিশ্ববাসীক স্তম্ভিত কৰি চন্দ্ৰত অৱতৰন কৰিলে ইছৰ’ৱে প্ৰেৰণ কৰা মহাকাশযান ৷ চন্দ্ৰৰ দক্ষিণ মেৰুত অৱৰতৰণ কৰা প্ৰথম দেশ হিচাপে বিবেচিত হৈছে ভাৰত ৷ ইতিমধ্যে ভাৰতে প্ৰেৰণ কৰা লেণ্ডাৰ বিক্ৰমৰ পৰা ৰ’ভাৰ প্ৰজ্ঞানে চন্দ্ৰপৃষ্ঠত যাত্ৰা আৰম্ভ কৰিছে ৷  প্ৰজ্ঞানে প্ৰেৰণ কৰিছে বিভিন্ন আলোকচিত্ৰ ৷ কিন্তু এই সাফল্য এদিনতে সম্ভৱপৰ নাছিল ৷ ইয়াৰ আঁৰত আছে এদল বিজ্ঞানীৰ অৱদান ৷ ইছৰোৰ এই বৈজ্ঞানিকৰ দলৰ মাজত আছে বহুকেইজন অসম সন্তান ৷ ইয়াৰে অন্যতম হৈছে অনুজ নন্দী ৷

ধেমাজি সদৰৰ নলনিপাম গাঁৱত জন্মগ্ৰহণ কৰিছিল অনুজ নন্দীয়ে ৷  বৰ্তমান ইছৰ’ৰ বিজ্ঞানী হৈছে অনুজ নন্দী ৷ চন্দ্ৰপৃষ্ঠত চন্দ্ৰযান-3 ৰ সফল অৱতৰণৰ পাচত এতিয়া আনন্দৰ বন্যা বৈছে অনুজ নন্দীয়ে জন্মগ্ৰহণ কৰা নলনিপাম গাঁৱত ৷ জানিব পৰা মতে, অনুজ নন্দীয়ে সাজি উলিয়াইছে চন্দ্ৰযান-3 ৰ বিক্ৰম লেণ্ডাৰত সংস্থাপন কৰা হাই ৰিজ’লিউশ্বন কেমেৰা ৷

নন্দীৰ উপৰি লখিমপুৰৰ চয়ন দত্ত, জামুগুৰিহাটৰ উদ্দীপনা কলিতা, তিনিচুকীয়াৰ বোৱাৰী নিধি শৰ্মাৰ লগতে চন্দ্ৰযান-৩ ৰ লগত জড়িত আছিল ৷