ঋতু আৰু তিথিৰ ওপৰত নিৰ্ভৰ কৰি চন্দ্ৰক বিভিন্ন নামেৰে জনা যায় ৷ গোলাপী চন্দ্ৰ, নীলা চন্দ্ৰ – চন্দ্ৰৰ নাম অন্তহীন। কিন্তু ‘কুহুমীয়া চন্দ্ৰ’ বা “ক্ৰ’মুন”ৰ নামটো শুনিছেনে? যোৱা মঙলবাৰে দেখা চন্দ্ৰটোক বহুতে কুহুমীয়া চন্দ্ৰ বা ‘ক্ৰ’ মুন’ বুলি কয়।
মাৰ্চ মাহৰ পূৰ্ণিমাৰ দিনটোত দেখা চন্দ্ৰক ‘কুহুমীয়া চন্দ্ৰ’ বুলি কোৱা হয়। কিন্তু বিজ্ঞানৰ লগত ইয়াৰ কোনো সম্পৰ্ক নাই বুলি বিজ্ঞানীসকলে দাবী কৰিছে। সকলো এটা কিংবদন্তি।
এই পৰিপ্ৰেক্ষিতত কলকাতাৰ বিশিষ্ট জ্যোতিৰ্বিজ্ঞানী তথা ইণ্ডিয়ান চেণ্টাৰ ফৰ স্পেচ ফিজিক্সৰ পৰিচালক সন্দীপ কুমাৰ চক্ৰৱৰ্তীয়ে কয় যে, ইয়াৰ মহাকাশ বিজ্ঞানৰ লগত কোনো সম্পৰ্ক নাই। মূলতঃ এই কুহুমীয়া চন্দ্ৰৰ ধাৰণা আমেৰিকাৰ পৰাই আহিছিল।” ইয়াৰ কাৰণটো বুজাই তেওঁ কয়, “আমেৰিকাত মাৰ্চ মাহৰ ভিতৰত বৰফ গলিবলৈ আৰম্ভ কৰে। বৰফেৰে আবৃত গছৰ বাকলিত আশ্ৰয় লৈ থকাপোক-পৰুৱা সেই সময়ত ওলাই আহে। বিভিন্ন চৰাই আহি পোক-পৰুৱা খাবলৈ গোট খায়। সেইবাবেই ইয়াৰ নাম তেনেকৈ ৰখা হৈছে।” ইতিমধ্যে বিষুৱৰেখাৰ ওচৰৰ দেশবোৰত এই সময়ত চন্দ্ৰটো বহুত ডাঙৰ যেন লাগে। উত্তৰ আমেৰিকাৰ কিছুমান জনগোষ্ঠীয়ে এই বিশেষ যুগৰ চন্দ্ৰক ক’ৰ চন্দ্ৰ বুলি কয়। তেওঁলোকৰ বিশ্বাস ই শীতকালৰ বিদায়ৰ আগজাননী দিয়ে।
