দেশৰ শীর্ষ মহিলা বেডমিণ্টন খেলুৱৈ পি ভি সিন্ধুৰ পক্ষত আছে কেন্দ্ৰীয় চৰকাৰ। ক্ৰীড়া মন্ত্ৰালয়ে তেওঁৰ প্ৰশিক্ষক আৰু প্ৰশিক্ষণৰ সকলো খৰচ বহন কৰাৰ সিদ্ধান্ত লয়। বৃহস্পতিবাৰে কেন্দ্ৰই সিন্ধুৰ আবেদনত অনুমোদন জনায়। শ্বুটাৰ আশীষ ভানৱালাৰ আবেদনো মঞ্জুৰ কৰে কেন্দ্ৰই ৷
সিন্ধুৰ প্ৰশিক্ষক বিধি চৌধুৰী আৰু ফিটনেছ প্ৰশিক্ষক শ্ৰীকান্ত মাদাপল্লীয়ে বিদেশত প্ৰতিদ্বন্দ্বিতা কৰিবলৈ যোৱাৰ সময়ত কেন্দ্ৰীয় চৰকাৰে বহন কৰিব। তেওঁলোকৰ ভিছা খৰচ, বিমান ভাড়া, থকাৰ ব্যৱস্থা, অন্যান্য আকস্মিক খৰচ, দৈনিক ভাট্টা আদিৰ বাবে এই কেন্দ্ৰই ধন প্ৰদান কৰিব । সিন্ধুৱে অল ইংলেণ্ড চেম্পিয়নশ্বিপ আৰু স্পেনিছ মাষ্টাৰছ খেলিব। সিন্ধুৱে এই দুখন প্ৰতিযোগিতাত খেলিবলৈ প্ৰশিক্ষক আৰু ফিটনেছ প্ৰশিক্ষকৰ খৰচ আদায় দিবলৈ কেন্দ্ৰক অনুৰোধ জনায়। তেওঁৰ এই আবেদন যুৱ আৰু ক্ৰীড়া মন্ত্ৰালয়ে অনুমোদন জনাইছিল। মিছন অলিম্পিক চেল প্ৰজেক্টত সিন্ধুৰ প্ৰশিক্ষক আৰু ফিটনেছ প্ৰশিক্ষকৰ বাবে খৰচ আবণ্টন দিয়া হৈছে। বিদেশত প্ৰতিযোগিতাত খেলিবলৈ যোৱাৰ বাবে সিন্ধুৱে সকাহ লাভ কৰিব ৷
বৃহস্পতিবাৰে সিন্ধুৰ বাহিৰে শ্বুটাৰ আশীষৰ আবেদনো মঞ্জুৰ কৰা হয়। তেওঁ জাৰ্মান প্ৰশিক্ষক ৰালফ ছুমানৰ অধীনত প্ৰশিক্ষণ ল’ব বিচাৰে। জাৰ্মানী ভ্ৰমণ, থকা আৰু প্ৰশিক্ষকৰ দৰমহাৰ বাবে আবেদন কৰিছিল। বিশ্ব শ্বুটিং চেম্পিয়নশ্বিপৰ পদক বিজয়ী আশীষে মাৰ্চ মাহৰ শেষ সপ্তাহত ২৮ দিনৰ বাবে প্ৰশিক্ষণৰ বাবে জাৰ্মানীলৈ যাব।
অলিম্পিকত পদক লাভৰ সুযোগ থকা দেশৰ যিসকল ক্ৰীড়াবিদক কেন্দ্ৰীয় চৰকাৰে আৰ্থিক সাহায্য প্ৰদান কৰে। এই সহায় তেওঁলোকক প্ৰস্তুতিৰ সৰ্বোত্তম সুযোগ দিবলৈ আৰু বিদেশৰ প্ৰতিযোগিতাত অংশগ্ৰহণ কৰিবলৈ দিয়া হয়। কেন্দ্ৰটোৰ এই প্ৰকল্পত বিভিন্ন খেলৰ শীৰ্ষ খেলুৱৈৰ নাম লিপিবদ্ধ কৰা হয়।
