মহানগৰ আৰক্ষীৰ সফলতা ৷ যোৱা নিশা অভিযান চলায় মহানগৰ আৰক্ষীয়ে জব্দ কৰিছে বৃহৎ পৰিমানৰ ড্ৰাগছ ৷ যোৰাবাটত মহানগৰ আৰক্ষীয়ে অভিযান চলাই তিনিজন লোকক গ্ৰেপ্তাৰ কৰাৰ লগতে ২.৫২৭ কিল’গ্ৰাম হেৰ’ইন জব্দ কৰে ৷ মুঠ ১৯৮ টা চাবোনৰ বাকচত হেৰ’ইনখিনি লুকুৱাই আনিছিল সৰবৰাহকাৰীয়ে ৷ জব্দ কৰা হেৰ’ইনৰ বজাৰমূল্য প্ৰায় ২১ কোটি টকা হ’ব বুলি জানিব পৰা গৈছে ৷ এখন বাহনত গোপন চেম্বাৰ বনায় এই হেৰ’ইনখিনি লুকুৱাই আনিছিল সৰবৰাহকাৰীয়ে ৷ এক গোপন সূত্ৰৰ খবৰৰ ভিত্তিত মহানগৰ আৰক্ষীয়ে যোৰাবাটত এই অভিযান চলাইছিল ৷ ধৃত সৰবৰাহকাৰী কেইজন হৈছে মহম্মদ জমিৰ,মহম্মদ ইয়াকুপ আৰু মহম্মদ আমিৰ খান ৷ আটাইকেউজন থৌবালৰ বাসিন্দা ৷
