ব্ৰাজিলৰ ছাও পাওলো প্ৰদেশৰ এণ্টিনোপলিছৰ এটা গুহাত অনুশীলন কৰি থকাৰ সময়তে গুহাৰ ওপৰৰ পৰা শিল মাটি খহি পৰাত অগ্নি নিৰ্বাপক বাহিনীৰ ৯জনকৈ কৰ্মচাৰী থিতাতে নিহত হয়৷ ১নৱেম্বৰৰ পুৱাৰ ভাগত সংঘটিত হোৱা এই দুৰ্ঘটনাৰ সময়ত ২৬ গৰাকী কৰ্মচাৰীয়ে অনুশীলন কৰি আছিল ৷ হঠাৎ গুহাৰ ওপৰৰ পৰা শিল মাটি খহি কৰ্মচাৰী সকলক হেঁচা মাৰি ধৰে ৷৯গৰাকী লোক এই ঘটনাত নিহত হোৱাৰ ওপৰিও বাকী আঘাতপ্ৰাপ্ত সকলকো প্ৰায় ১২ ঘণ্টাৰ পিছত হে উদ্ধাৰ কৰিবলৈ সক্ষম হয়৷ উদ্ধাৰ হোৱা সকলৰ ভিতৰত তিনিজন কৰ্মচাৰীক হাড় ভগা আৰু হাইপ’থাৰ্মিয়াৰ চিকাৰ হোৱা বাবে ইতিমধ্যে চিকিৎসালয়ত ভৰ্তি কৰা হৈছে৷
