২৮ অক্টোবৰত একেলগে তিনি কন্যা আৰু দুই পুত্ৰ সন্তান জন্ম দিলে বিহাৰৰ এগৰাকী মাতৃয়ে

বিহাৰৰ ছিৱান জিলাৰ  এগৰাকী মহিলা ফুলজাহা খাটুন ৷   বিহাৰৰ ছিৱান নামৰ ঠাইখনৰ সদৰ হাস্পতালত ২৮ অক্টোবৰৰ দিনা ফুলজাহাই ছিজাৰিয়ান পদ্ধতিৰে প্ৰসৱ কৰিলে তিনি কন্যা আৰু দুই পুত্ৰ অৰ্থাৎ পাঁচটি সন্তান৷ পাঁচটি সন্তান একেলগে প্ৰসৱ কৰি ফুলজাহাই আশ্চৰ্য্যচকিত কৰিছে চিকিৎসককে আদি কৰি বিহাৰৰ সৰ্বসাধাৰণ  ৰাইজক৷সম্প্ৰতি পাঁচোটি সন্তান আৰু মাতৃ ফুলজাহা  সুস্থ অৱস্থাত আছে আৰু চিকিৎসক সকলৰ সম্পূৰ্ণ তত্বাৱধানত আছে বুলি জানিব পৰা গৈছে৷

অৱশ্যে একেসময়তে কেইবাটিও সন্তান প্ৰসৱ কৰা এয়ে প্ৰথম নহয় ৷এই বৰ্ষতে জুলাই মাহত  উত্তৰ প্ৰদেশৰ বাৰাংবাকী জিলাত এগৰাকী মহিলাই প্ৰসৱ কৰিছিল চাৰিটিকৈ সন্তান৷কিন্তু বিহাৰৰ ছিৱান জিলাত এই ঘটনা এইবাৰেই প্ৰথম ৷ ফুলজাহা পাঁচটি সন্তান  একেলগে প্ৰসৱ কৰা ছিৱানৰ প্ৰথম গৰাকী মহিলা৷