মুখ্যমন্ত্ৰী হোৱাৰ সপোন দেখা নৱজিৎ সিং সিদ্ধু পৰাস্ত, মুখ্যমন্ত্ৰী-প্ৰাক্তন মুখ্যমন্ত্ৰীও পৰিল ৰণত

নির্বাচনৰ পূর্বে মুখ্যমন্ত্ৰীৰ আসনত বহিবলৈ সপোন দেখা প্ৰাক্তন ক্ৰিকেটাৰ তথা পঞ্জাৱ প্ৰদেশ কংগ্ৰেছৰ সভাপতি নৱজিৎ সিং সিদ্ধু পৰাজিত হৈছে ৷  সিদ্ধু অমৃতসৰ পূব সমষ্টিৰ পৰা নিৰ্বাচনত পৰাজিত  হৈছে।  আপৰ প্ৰাৰ্থী ড০ জীৱনজোত কৌৰে পৰাজিত কৰিছে সিদ্ধুক ৷ পঞ্জাৱত কংগ্ৰেছ আৰু নিজৰ পৰাজয়ৰ পিছত নৱজ্যোত সিদ্ধুৱে  প্ৰতিক্ৰিয়া প্ৰকাশ কৰি কয়  “জনসাধাৰণৰ কণ্ঠ হৈছে ঈশ্বৰৰ কণ্ঠ ৷ অত্যন্ত নম্ৰতাৰে পঞ্জাৱৰ জনসাধাৰণৰ জনাদেশ স্বীকাৰ কৰিছো ৷ আম আদমী পাৰ্টিক অভিনন্দন ৷” আনহাতে পঞ্জাৱৰ মুখ্যমন্ত্ৰী চৰণজিৎ সিং চান্নীয়ো দুয়োখন আসনৰ পৰা নিৰ্বাচনত পৰাজিত হৈছে। প্ৰাক্তন মুখ্যমন্ত্ৰী কেপ্টেইন অমৰিন্দৰ সিং পাটিয়ালা আসনৰ পৰা নিৰ্বাচনত পৰাজিত হৈছে। কেপ্টেইন অমৰিন্দৰ সিঙে বিজেপিৰ সৈতে মিত্ৰতা কৰি নিৰ্বাচনত প্ৰতিদ্বন্দিতা কৰিছিল।