হোজাই আৰক্ষীৰ তৎপৰতাত জালত পৰিল ১২গ্ৰাম হেৰ’ইনসহ ড্ৰাগছ সৰবৰাহকাৰী।আৰক্ষীয়ে ধৃত শ্বেহনাজ উদ্দিন নামৰ ড্ৰাগছ সৰবৰাহকাৰীৰ জিম্মাৰ পৰা উদ্ধাৰ কৰে ১২ গ্ৰাম হেৰ’ইন। জব্দকৃত হেৰ’ইনখিনিৰ বজাৰ মূল্য প্ৰায় ডেৰ লাখ টকা বুলি আৰক্ষীৰ সূত্রত প্ৰকাশ।
জিলা আৰক্ষী অধীক্ষক বৰুণ পুৰকায়স্থৰ নিৰ্দেশত জিলাখনত আৰক্ষীয়ে চলাই যোৱা হৈছে বিভিন্ন ড্ৰাগছবিৰোধী অভিযান । ইয়াৰ মাজতে হোজাই আৰক্ষী থানাৰ ভাৰপ্ৰাপ্ত বিষয়া তপন মেধিৰ নেতৃত্বত বুধবাৰে নিশা হোজাইৰ ডিমৰুপাৰ অঞ্চলত আৰক্ষীয়ে চলোৱা এক ড্ৰাগছৰ অভিযানত ড্ৰাগছ ব্যৱসায়ী শ্বেহনাজ উদ্দিনক কৰায়ত্ত কৰিবলৈ সক্ষম হয় হোজাই আৰক্ষী।
আৰক্ষীৰ তদন্তত এই তথ্য পোহৰলৈ আহিছে যে ,বৰ্তমান হোজাই আৰক্ষীৰ জিম্মাত থকা ধৃত শ্বেহনাজ উদ্দিনে হেৰ’ইনখিনি যমুনামুখৰ পৰা বিক্ৰীৰ বাবে হোজাইলৈ লৈ আনিছিল ।
