‘পেলেচ অৱ পার্লিয়ামেণ্ট’। ৰোমানিয়াৰ এই বিধানসভা ভৱনটোৱে বিশ্বৰ আটাইতকৈ গধুৰ অট্টালিকা হিচাপে স্বীকৃতি লাভ কৰিছে। অট্টালিকাৰ উচ্চতা বেছি নহয়। কিন্তু ইয়াৰ ওজনে অভিলেখ গঢ়িছে।
এই বিধানসভা ভৱনটোক ৰোমানিয়াত ‘ৰিপাব্লিকছ হাউচ’, ‘পিপলছ হাউচ’ বা ‘পিপলছ পেলেচ’ বুলিও জনা যায়। বিশ্বৰ আটাইতকৈ গধুৰ অট্টালিকাটো ৰোমানিয়াৰ ৰাজধানী বুখাৰেষ্টৰ এখনপাহাৰৰ ওপৰত অৱস্থিত। সংসদ প্ৰাসাদৰ উচ্চতা ২৭৬ ফুট (৮৪ মিটাৰ)। কিন্তু অট্টালিকাটো যথেষ্ট বহল। অট্টালিকাটোৰ আয়তন প্ৰায় ৩ লাখ ৬৫ হাজাৰ বৰ্গমিটাৰ (৩৯ লাখ ৩০ হাজাৰ বৰ্গফুট)।
ইয়াৰ বাহিৰেও ‘পেলেচ অৱ পার্লিয়ামেণ্ট’টো ‘দ্যালুল স্পিৰি’ নামৰ পাহাৰটোৰ ওপৰত অৱস্থিত ৷ যাৰ মুঠ ঘনত্ব ২৫ লাখ ৫০ হাজাৰ বৰ্গমিটাৰ। আটাইতকৈ উল্লেখযোগ্য কথাটো হ’ল ‘পেলেচ অৱ পার্লিয়ামেণ্ট’ৰ ওজন। এই সংসদ ভৱনৰ ওজন প্ৰায় ৪০৯ কোটি ৮৫ লাখ কিলোগ্ৰাম। ‘পেলেচ অৱ পার্লিয়ামেণ্ট’ বিশ্বৰ আটাইতকৈ গধুৰ অট্টালিকা।
আটাইতকৈ গধুৰ অট্টালিকাৰ উপৰিও আন এটা অভিলেখ আছে ‘পেলেচ অৱ পার্লিয়ামেণ্ট’ৰ। ই পৃথিৱীৰ আটাইতকৈ ডাঙৰ আৰু ব্যয়বহুল প্ৰশাসনিক ভৱন। ২০২০ চনৰ হিচাপ অনুসৰি সংসদৰ প্ৰাসাদৰ মূল্য প্ৰায় ৪ বিলিয়ন ইউৰো (ভাৰতীয় মুদ্ৰাত প্ৰায় ৩৫ হাজাৰ কোটি)। প্ৰতি বছৰে এই অট্টালিকাটোত কেৱল বিদ্যুতৰ বাবে প্ৰায় ৬০ লাখ ডলাৰ (ভাৰতীয় মুদ্ৰাত প্ৰায় ৫০ কোটি টকা) খৰচ হয়।
কমিউনিষ্ট ৰোমানিয়াৰ ৰাষ্ট্ৰপতি নিকোলা চেউচেস্কুৱে ‘পেলেচ অৱ পার্লিয়ামেণ্ট’ নিৰ্মাণৰ কাম আৰম্ভ কৰিছিল। ১৯৮৪ চনৰ পৰাই এই ভৱন নিৰ্মাণৰ কাম আৰম্ভ হয়। ১৩ বছৰত ৭০০ স্থপতিবিদে মুখ্য স্থপতিবিদ আংকা পেট্ৰেস্কুৰ তত্বাৱধানত নিৰ্মাণ কৰিছিল ‘পেলেচ অৱ পার্লিয়ামেণ্ট’ৰ। ১৯৯৭ চনত এই ভৱনটোৰ নিৰ্মাণ সম্পূৰ্ণ হয়।
পৃথিৱীৰ আটাইতকৈ গধুৰ অট্টালিকাটোৰ ভিতৰত কি আছে? মূলতঃ ৰোমানিয়া বিধানসভাৰ দুটা চেম্বাৰ আছে ৷ য’ত চিনেট আৰু চেম্বাৰ অৱ ডেপুটিছসকলে কাম কৰে। ইয়াৰ উপৰিও ‘পেলেচ অৱ পার্লিয়ামেণ্ট’ত ৩টা সংগ্ৰহালয় আৰু এটা আন্তঃৰাষ্ট্ৰীয় অধিৱেশন কেন্দ্ৰ আছে।
পৰিকল্পনা অনুসৰি সংসদৰ প্ৰাসাদত মুঠ ১১০০টা কোঠা থাকিব লাগে। কিন্তু অট্টালিকাটোৰ নিৰ্মাণ সম্পূৰ্ণ হোৱা নাই। পৃথিৱীৰ আটাইতকৈ গধুৰ অট্টালিকাটোত দুটা বৃহৎ সভাকক্ষৰ বাহিৰে মাত্ৰ ৪০০টা কোঠা আছে।
এই প্ৰশাসনিক ভৱনটোৰ মাটিৰ তলত মুঠ ৮ মহলা আছে। ৰাষ্ট্ৰপতি চেউচেস্কুৱে পাৰমাণৱিক যুদ্ধৰ আশংকা কৰিছিল। গতিকে তেওঁ অট্টালিকাটো মাটিৰ তলত নির্মাণ হোৱাটো বিচাৰিছিল ৷
ৰোমানিয়াৰ নিজা সামগ্ৰীৰে নিৰ্মাণ কৰা হৈছে ‘পেলেচ অৱ পার্লিয়ামেণ্ট’ ৷এই ভৱন নিৰ্মাণত ৩ হাজাৰ ৫০০ স্ফটিক, ৪৮০ টা চেণ্ডেলিয়াৰ, ১ হাজাৰ ৪০৯ টা লাইট আৰু দাপোন ব্যৱহাৰ কৰা হৈছিল। ৭ লাখ টন তীখা আৰু ব্ৰঞ্জৰ দ্বাৰা দুৱাৰ-খিৰিকী নিৰ্মাণ কৰা হৈছিল। ইয়াৰ বাহিৰেও মাৰ্বল আৰু কাঠৰ ব্যৱহাৰো বহুলভাৱে কৰা হৈছে ৷
‘পেলেচ অৱ পার্লিয়ামেণ্ট’ৰ ওজনৰ বাবে প্ৰতিদিনে ভূগর্ভৰ ওপৰত যথেষ্ট চাপ পৰিছে ৷ৰোমানিয়াৰ এই প্ৰশাসনিক ভৱনটো প্ৰতি বছৰে ৬ মিলিমিটাৰকৈ ডুব গৈ আছে।
বিশেষজ্ঞসকলৰ মতে, অট্টালিকাটোৰ ওজনৰ বাবে মাটিৰ তলৰ পলসত যথেষ্ট চাপ পৰিছে। যাৰ বাবে ‘পেলেচ অৱ পার্লিয়ামেণ্ট’ৰ ভৱিষ্যতক লৈ চিন্তিত হৈ পৰিছে ৷
