ডিঙি ভৰি থকা সোণৰ গহণা , সকলো আঙুলিত সোণৰ আঙঠি, হাতত সোণৰ ব্ৰেচলেট – ‘গোল্ডেন ৰজা’ শব্দটোৱে বিখ্যাত সংগীত পৰিচালক, সুৰকাৰ বাপ্পী লাহিড়ীৰ প্ৰতিচ্ছবিকে মনত পেলাই দিয়ে। বাপ্পী লাহিড়ীৰ বাহিৰেও আমাৰ দেশত আৰু কিছু এনে লোক আছে, যিসকল ‘সোণালী ৰজা’তকৈকোনো গুণে কম নহয়।
ইয়াৰে এজন হৈছে ছানী নানা চাহেব ৱাঘচৌৰ। তেওঁৰ জন্ম পুনেত। স্কুল আৰু কলেজীয়া শিক্ষাও পুনেত সমাপ্ত কৰে ৷ ছানীৰ বন্ধু সঞ্জয় গুজাৰ ওৰফে বাণ্টীৰ নামো সমানে উচ্চাৰিত হয় । ছানী-সঞ্জয়ৰ যুটিটোক ‘দ্য গোল্ডেন গাই’ নামেৰে বেছি পৰিচিত। এটা সাক্ষাৎকাৰত ছানীয়ে কয়, ‘আমি দুয়ো পুনেত বাস কৰো। বাণ্টী আৰু মই সৰুৰে পৰা বন্ধু। সৰুৰে পৰা দুয়োৰে সোণৰ প্ৰতি এক অদ্ভুত আকৰ্ষণ আৰু প্ৰেম আছিল । আৰু সেই চখটো পূৰণ কৰিবলৈ আমি দুয়ো সোণৰ গহনা পিন্ধিবলৈ আৰম্ভ কৰিলো ৷”
ছানি আৰু বাণ্টীয়ে দুয়োজনে মুঠ ১৩ কিলোগ্ৰাম সোণৰ গহনা পিন্ধে। ছানীয়ে প্ৰকাশ কৰা অনুসৰি তেওঁৰ গোটেই শৰীৰত মুঠ ৮ কিলোগ্ৰাম সোণ আছে। আনহাতে বান্টিয়ে পিন্ধে ৫ কিলোগ্ৰাম সোণৰ গহনা। বৰ্তমান সোণৰ বজাৰ মূল্য অনুসৰি ‘গোল্ডেন গাই’ৰ মুঠ সোণৰ মূল্য ৭.৫ কোটি টকাতকৈও অধিক।
সাক্ষাৎকাৰটোত ছানীয়ে কয়, “ইমান সোণ পিন্ধা দেখি সকলোৱে আচৰিত হয়, ইমান ওজন কেনেকৈ কঢ়িয়াই লৈ ফুৰে? দীৰ্ঘদিন পিন্ধি থকাৰ বাবে এয়া অভ্যাসত পৰিণত হয় ৷ অসুবিধা অনুভৱ নহয় ৷ “কেৱল সোণৰ গহনাই নহয় ছানীৰ মোবাইলৰ কভাৰটোও সোণৰ। আন গেজেটতো সোণৰ ক’ভাৰ ৷
ছানি আৰু বাণ্টীৰ গাড়ীতো লগোৱা হৈছে সোণ ৷ জোতা, ঘড়ী, আনকি চশমাতো আছে সোণ। ছানীয়ে প্ৰকাশ কৰা অনুসৰিতেওঁলোকক চাবলৈ বহুত লোক গোট খায় ৷ ফলত সকলো সময়তে সাৱধান হ’ব লগা হয়। তেওঁলোকৰ নিৰাপত্তাৰ বাবে দেহৰক্ষী ৰাখিবলগীয়া হৈছে ৷
গোল্ডেন গাইজৰ আছে কেইবাখনো বিলাসী গাড়ী। ইয়াৰে এখন হ’ল জাগুয়াৰ এক্সএফ। গাড়ীখনৰ বাহিৰৰ আৰু ভিতৰৰ অংশ সোণেৰে নির্মাণ কৰা হৈছে। ইয়াৰ উপৰিও আছে অ’ডি কিউ-৭। জাগুয়াৰ আৰু অ’ডিৰ উপৰিও ছানি আৰু বাণ্টীয়ে মাৰ্চিডিজ বেঞ্জ ই ক্লাছৰ মালিক। ইয়াৰ উপৰিও আছে লেণ্ড ৰভাৰ ৰেঞ্জ ৰভাৰ ভোগ এল৩৩২। ইয়াৰ এক্স শ্ব’ৰুমৰ মূল্য প্ৰায় ৩ কোটি টকা।
ছানি আৰু বাণ্টীয়ে বলীউড (চলচ্চিত্ৰ বিত্তীয় সাহায্য)কে ধৰি বহু ছবিত ধন বিনিয়োগ কৰিছিল। ২০১৩ চনত ছানী-বাণ্টীয়ে ‘জিলা গাজিয়াবাদ’, ‘জয়ন্তভাই কি লাভ ষ্ট’ৰী’ ছবিখনতো ধন বিনিয়োগ কৰিছিল।
বলীউডৰ বহু তাৰকাৰ ঘনিষ্ঠ ‘গোল্ডেন গাই’। বিবেক অবেৰয় আৰু নেহা শৰ্মাৰ সৈতে প্ৰায়ে দেখা যায় ছানীক । ‘জিলা গাজিয়াবাদ’ ছবিতো অভিনয় কৰিছে ছানীয়ে। অভিনেতা বিবেক অবেৰয়ৰ ব্যৱসায়িক অংশীদাৰ ছানী। দুয়োকে কেইবাটাও জনপ্ৰিয় ৰিয়েলিটি শ্ব’ত দেখা গৈছে।
২০১৭ চনত প্ৰথমবাৰৰ বাবে জনপ্ৰিয় শ্ব’ত দেখা গৈছিল ‘গোল্ডেন গাইজ’ক। ইয়াৰ পিছত তেওঁলোকৰ সৌন্দৰ্য্যৰ বাবে ছানি-বাণ্টীৰ নামটো অধিক জনপ্ৰিয় হৈ পৰিছিল। কেইবাটাও সংবাদ মাধ্যমৰ বাতৰি অনুসৰি ছানীৰ সম্পত্তিৰ পৰিমাণ ৩০ কোটি টকা। ছনীয়ে নিজৰ ছ’চিয়েল মিডিয়া একাউণ্টত কেইবাবাৰো মডেল প্ৰীতি ছোনীৰ সৈতে তেওঁৰ ছবি শ্বেয়াৰ কৰিছে। ফলত প্ৰীতিৰ সৈতে ছানীৰ সম্পৰ্কক লৈ চৰ্চা চলিছে।
