চলিত মাহত হায়দৰাবাদত ‘প্ৰজেক্ট কে’ৰ শ্বুটিং চেটত আঘাতপ্ৰাপ্ত হৈছিল অমিতাভ বচ্চন। ছবিখনৰ একচন দৃশ্যত অভিনয় কৰি থকাৰ সময়তে অভিনেতাজনে বুকুত আঘাত পায়। অমিতাভে নিজেই প্ৰকাশ কৰিছে যে আঘাত ভাল হ’বলৈ সময় লাগিব। কিন্তু এইবাৰ তেওঁৰ শৰীৰত এটা নতুন ৰোগে দেখা দিছে ৷ ফলত তেওঁৰ চলাফুৰা প্ৰায় বন্ধ হৈ যায়। পৰিস্থিতি এনেকুৱা হৈছে যে তেওঁ মাটিত ভৰি দিব নোৱাৰাৰ দৰে অৱস্থাৰ সৃষ্টি হৈছে । শেহতীয়াকৈ অভিনেতাজনে নিজৰ ব্লগত স্বাস্থ্যৰ বিষয়ে লিখি কয় যে তেওঁ বুকুৰ বিষত ভুগি আছে। অভিনেতাজনে কয় যে ‘কেলাছ’ত আক্ৰান্ত হোৱাৰ বাবে ভৰিৰ তলত অসহ্য যন্ত্ৰণা হৈছে ৷ যাৰ ফলত তেওঁ অসহ্যকৰ যন্ত্ৰণা ভোগ কৰিবলগীয়া হয়।
কিন্তু এই ৰোগ কি?
ভৰিৰ তলুৱা বা হাতৰ তলুৱাৰ ছাল শুকান আৰু ৰুক্ষ হৈ পৰে। যদিও ৰোগটো বৰ জটিল নহয়, তথাপিও বিষটো সহ্য কৰিব নোৱাৰা ধৰণৰ। অমিতাভৰ ক্ষেত্ৰত এই কেলাছৰ ভিতৰত ফোহা গঠন হৈছে, যাৰ বাবে তেওঁ বহুত কষ্ট পাইছে ৷ পৰিস্থিতি এনেকুৱা পর্যায় পায় যে নিশাই ডাক্তৰক ঘৰত মাতিব লগা হয়। কিন্তু ইমান যন্ত্ৰণাৰ মাজতো অমিতাভ আত্মবিশ্বাসী। তেওঁ নিজৰ ছ’চিয়েল মিডিয়া পেজত লিখিছে, “আপোনাৰ সকলো প্ৰার্থনাৰ বাবে ধন্যবাদ, সোনকালে সুস্থ হৈ উঠক, ৰেম্পত আকৌ লগ পাম।”
