বহুতো সময়ত দেখা যায় যে বলিউডৰ তাৰকাসকলে সময়ে সময়ে সমগ্ৰ বিশ্বতে নিজৰ অধিপত্য বিস্তাৰ কৰিবলৈ সক্ষম হয় নিজৰ প্ৰতিভাৰ জৰিয়তে। “Parrot Analytics” ৰ মতে ভাৰতৰ তিনিগৰাকী তাৰকাৰ নাম শীৰ্ষস্থানত আছে বৰ্তমানৰ সময়ত। এই তাৰকা তিনিগৰাকী হ’ল প্ৰিয়ংকা চোপ্ৰা, শ্বাহৰুখ খান আৰু কিয়াৰা আদৱানী।
উল্লেখ্য যে বিশ্বৰ ভিতৰত আটাইতকৈ বেছি চাহিদা থকা মহিলাৰ (Most In-Demand actresses in the world) ভিতৰত তৃতীয় স্থানত আছে প্ৰিয়ংকা।আনহাতে শ্বাহৰুখ আছে প্ৰথম স্থানত আৰু দক্ষিণৰ চুপাৰষ্টাৰ আল্লু অৰ্জুন আছে দ্বিতীয় স্থানত। উল্লেখযোগ্য যে ১০ জন তাৰকা থকা এই তালিকাত কেৱল দুগৰাকী অভিনেত্ৰীৰ নামহে অন্তৰ্ভূক্ত হৈছে, য’ত প্ৰিয়ংকা তাৰ মাজৰ এগৰাকী।
আনহাতে এই তালিকাত থকা আন তাৰকা সকল হ’ল – দক্ষিণৰ অভিনেতা ধনুশ , হলিউডৰ টম হিডলেটন , দক্ষিণৰ ডালকুৱেৰ চালমান , বলিউডৰ চলমান খান, দক্ষিণ কোৰিয়াৰ চাং হুন, বলিউডৰ কিয়াৰা আদৱানি, মহেশ বাবু । বহু দিন ধৰি কোনো কামত জড়িত নথকাকৈয়ে শ্বাহৰুখ খানৰ প্ৰথম স্থান অধিকাৰ কৰা কথাটো অতি উল্লেখনীয়।
সদ্য মুক্তিপ্ৰাপ্ত ছবি শ্বেৰশ্বাহৰ বৃহৎ সফলতাৰ পাচত ছবিখনৰ নায়িকা কিয়াৰা আদৱানি বৰ্তমান আটাইতকৈ বেছি চাহিদা থকা আন এগৰাকী অভিনেত্ৰী। উল্লেখ্য যে প্ৰিয়ংকাৰ লগতে তালিকাত স্থান পোৱা আন তাৰকাসকলৰ ভিতৰত কিয়াৰাই আনগৰাকী মহিলা অভিনেত্ৰী।
