আথিয়া চেট্টীয়ে কে এল ৰাহুলৰ সৈতে তেওঁৰ বিবাহৰ উৰাবাতৰি সন্দৰ্ভত কয় যে , তেওঁ এই বিষয়ে একো স্পষ্টীকৰণ দিবলৈ নিবিচাৰে।
এই উৰাবাতৰি সন্দৰ্ভত শেহতীয়া প্ৰতিবেদনত দাবী কৰা হৈছিল যে আথিয়া চেট্টী আৰু কে এল ৰাহুল অহা ডিচেম্বৰত বিবাহ পাশত আৱদ্ধ হ’বলৈ সাজু হৈছে। সেয়েহে আথিয়াই এতিয়া ক্ৰিকেটাৰজনৰ সৈতে ওলোৱা এই উৰাবাতৰিৰ প্ৰতি প্ৰতিক্ৰিয়া প্ৰকাশ কৰিছে।
শেহতীয়া প্ৰতিবেদন অনুসৰি ডিচেম্বৰত ক্ৰিকেটাৰজনক বিয়া কৰাবলৈ সাজু হৈছে আথিয়া। কিন্তু আথিয়াই কৈছে যে তেওঁৰ এনে উৰাবাতৰি শুনি হাঁহি উঠিছে।
আথিয়া আৰু কে এল ৰাহুলে বান্দ্ৰাৰ এটা নিৰ্মাণাধীন ভৱনত সম্পূৰ্ণ এখন মজিয়া বুক কৰাৰ বাতৰি ইতিমধ্যে প্ৰকাশ পাইছে কিন্তু আথিয়াই এই কথা অস্বীকাৰ কৰি কৈছে যে এইটো সঁচা যে তেওঁ এটা নতুন ঘৰলৈ গৈ আছে কিন্তু তেওঁৰ মাক দেউতাক সুনীল চেট্টী,মানা চেট্টী আৰু ভায়েক আহান চেট্টীৰ সৈতেহে ৰাহুলৰ সৈতে নহয় ৷
আথিয়াই সংবাদ মাধ্যমক কৈছিল, “মই কাৰো সৈতে নহয়, মোৰ মা-দেউতাৰ সৈতে থাকিম! মই আৰু মোৰ পৰিয়াল এই নতুন ঘৰত থাকিম।” পৰিয়ালটোৱে বৰ্তমান দক্ষিণ মুম্বাইত তেওঁলোকৰ অল্টমাউণ্ট ৰোডৰ ঘৰত বাস কৰে।
তেওঁ আৰু কে এল ৰাহুল বিবাহ পাশত আৱদ্ধ হোৱাৰ উৰাবাতৰিৰ বিষয়ে সোধাত আথিয়াই কয়, “মই এই প্ৰশ্নবোৰৰ কোনো উত্তৰ দিয়া নাই। এই সকলোবোৰৰ পৰা মই ভাগৰি পৰিছোঁ, এতিয়া মোৰ কেৱল হাঁহি উঠিছে। মানুহে যি বিচাৰে ভাবিবলৈ দিয়ক।”
আথিয়াৰ ভায়েক আহানেও অলপতে বিয়াৰ উৰাবাতৰি সন্দৰ্ভত উল্লেখ কৰিছিল যে এনে কোনো ব্যৱস্থা কৰা হোৱা নাই। “তেনে কোনো অনুষ্ঠান নাই, এই সকলোবোৰ উৰাবাতৰি। যেতিয়া বিয়া নহয়, আমি আপোনাক কেনেকৈ তাৰিখ দিব পাৰোঁ? অহা কেইমাহমানৰ ভিতৰতো বিয়াৰ কোনো পৰিকল্পনা নাই।”
আথিয়া আৰু কে এল ৰাহুল দীৰ্ঘদিন ধৰি সম্পৰ্কত আছিল বুলি উৰাবাতৰি ওলাইছিল আৰু যোৱা বছৰ আথিয়াৰ ভায়েক আহান চেট্টীৰ ছবি ‘তাডাপ’ৰ প্ৰিমিয়াৰত উপস্থিত থকাৰ সময়ত ইয়াক আনুষ্ঠানিক কৰি তুলিছিল। আথিয়াক শেষবাৰৰ বাবে ২০১৯ চনত নৱাজুদ্দিন চিদ্দিকীৰ বিপৰীতে মতিচুৰ চাকনাচোৰ চলচ্চিত্ৰত দেখা গৈছিল।আথিয়াই কৈছিল যে তাই বৰ্তমান দুটা প্ৰকল্পত কাম কৰি আছে আৰু সেইবোৰৰ বিষয়ে ঘোষণা সোনকালেই হ’ব পাৰে।
