জনপ্ৰিয় অভিনেত্ৰী হান্সিকা মটৱনীৰ পাছত এইবাৰ আন এগৰাকী সুপৰিচিত অভিনেত্ৰীও সাজু হৈছে বিয়ালৈ ৷ শীঘ্ৰেই মুম্বাইৰ এগৰাকী যুৱ ব্যৱসায়ীৰ সৈতে বিয়াত বহিব তাৰকা তমান্না ভাটিয়া। দীর্ঘদিনীয়া সম্পকৰৰ পাছত দুয়ো গৰাকী তাৰকা বিবাহপাশত আৱদ্ধ হ’ব ৷ ইতিমধ্যে তেওঁৰ পিতৃ-মাতৃয়ে বিয়াৰ পৰিকল্পনা আৰম্ভ কৰিছে বুলি প্ৰকাশ পাইছে। আনহাতে, বিয়াৰ খবৰক লৈ মৌনতা অৱলম্বন কৰিছে তামান্নাই।
শেহতীয়াকৈ তমান্নাই মুম্বাইত এটা বিলাসী এপাৰ্টমেণ্ট ক্ৰয় কৰিছিল। ইয়াৰ পাছতে তেওঁৰ বিয়াৰ বাতৰি বিয়পি পৰিছে ৷ ৩২ বছৰীয়া অভিনেত্ৰীগৰাকীয়ে মুম্বাইৰ ব্যৱসায়ীজনৰ সৈতে ডেটিং কৰি আছে ৷
অৱশ্যে তেওঁৰ বিয়াৰ নিশ্চিত খবৰলৈ অপেক্ষা কৰিব লাগিব। তেওঁৰ নতুন ছবি “ভোলা শংকৰ” মুক্তিৰ অপেক্ষাত আছে । ছবিখনত তেওঁ মেগাষ্টাৰ চিৰঞ্জীৱীৰ বিৰুদ্ধে অভিনয় কৰিছে।
