সমগ্ৰ পৃথিৱীৰ মুখত মাথোঁ এটাই গীত ‘নাতু নাতু’। এছ এছ ৰাজামৌলিৰ ‘আৰ আৰ আৰ’ ছবিখনে তেলেগু ছবিৰ ইতিহাসত নজিৰ গঢ়ি তুলি সমগ্ৰ দেশৰ গৌৰৱ বৃদ্ধি কৰিছে। গোল্ডেন গ্ল’বছত শ্ৰেষ্ঠ বিদেশী ভাষাৰ ছবিৰ সন্মান লাভ কৰে ৷ অস্কাৰত শ্ৰেষ্ঠ মৌলিক গীতৰ সন্মান লাভ কৰে ‘নাতু নাতু’ গীতটোৱে । এতিয়াৰ বাবে এছ এছ ৰাজামৌলি, এম এম কিৰাৱনী আৰু ‘আৰ আৰ আৰ’ৰ সমগ্ৰ দলটো সফলতাৰ শিখৰত উপনীত হৈছে। পৰৱৰ্তী লক্ষ্য কি? অস্কাৰৰ পাৰ্টিত এই প্ৰশ্নৰ সন্মুখীন হ’ল পৰিচালক ৰাজামৌলি। ইতিমধ্যে ‘আৰ আৰ আৰ’ৰ ছিকুৱেলৰ চিন্তা আৰম্ভ হৈছে। অস্কাৰৰ আফটাৰ পাৰ্টিত ৰাজামৌলীয়ে কয় যে অস্কাৰৰ মঞ্চৰ সফলতাৰ পিছত তেওঁ আশা কৰিছে যে কামটো অধিক দ্ৰুতগতিত আগবাঢ়িব।
ৰাজামৌলীয়ে কয় যে তেওঁৰ পিতৃ চিত্ৰনাট্যকাৰ বিজয়েন্দ্ৰ প্ৰসাদে ‘আৰ আৰ আৰ’ৰ ছিকুৱেলৰ চিত্ৰনাট্য লিখিছে। অস্কাৰ লাভ কৰিলে নিশ্চিতভাৱে চিত্ৰনাট্য লিখাৰ গতি অধিক হ’ব। অস্কাৰ বিজয়ী সংগীত পৰিচালক এম এম কীৰাৱনীৰ একেটা প্ৰশ্নৰ উত্তৰত কয় -, ‘এয়া অতি কঠিন প্ৰশ্ন।’ যোৱা বছৰ ৰাজামৌলিক ‘আৰ আৰ আৰ’ৰ ছিকুৱেলৰ বিষয়ে সোধাত তেওঁ কয় যে তেওঁ ছিকুৱেল ছবিখনৰ কথা ভবা নাছিল। কিন্তু আন্তঃৰাষ্ট্ৰীয় পৰ্যায়ত ‘আৰ আৰ আৰ’ৰ স্বীকৃতি লাভ কৰি সেই স্থিতি সলনি কৰিলে। অস্কাৰৰ পাৰ্টিত ৰাজমৌলিয়ে কয় , “আন্তঃৰাষ্ট্ৰীয় পৰ্যায়ত সফলতাৰ পিছত কীৰৱণীয়ে আমাৰ আগত এটা ধাৰণা প্ৰকাশ কৰিলে। সেই কথা শুনি মই ভাবো যে ই এক একেবাৰে বেলেগ ধাৰণা। আমি সেইটো লৈ আগবাঢ়িম। এই আলোচনাৰ অন্তত বিজয়েন্দ্ৰ প্ৰসাদে চিত্ৰনাট্য লিখিবলৈ আৰম্ভ কৰিছে।“ ৰাজামৌলিয়ে কয় যে ছবিখনৰ চিত্ৰনাট্য লিখাৰ পিছতহে ছবিখনৰ শ্বুটিঙৰ কথা চিন্তা কৰিবলৈ আৰম্ভ কৰিব। ইয়াৰ পিছত মুক্তিৰ তাৰিখ নিৰ্ধাৰণ কৰা হ’ব।
সোমবাৰে অস্কাৰ বিজয়ৰ পিছত ৰাজামৌলিয়েও লছ এঞ্জেলছৰ ঘৰত পাৰ্টি আয়োজন কৰে। এই পাৰ্টিত কীৰাৱনী, ৰাম চৰণ, এন টি আৰ জুনিয়ৰৰ দৰে তাৰকা উপস্থিত থাকে। অস্কাৰ বিজয়ী সংগীত পৰিচালক কীৰাৱানীকো তাত পিয়ানো বজাই থকা দেখা যায়।
