সুন্দৰবন হিংগল গঞ্জৰ ৰায়মংগল  নদীত উদ্ধাৰ বিৰল প্ৰজাতিৰ মাছ

সুন্দৰবন সকলোৰে বাবে এক পৰিচিত নাম ৷ এই সুন্দৰবনৰ ৰায়মংগল  নদীত শেহতীয়াকৈ উদ্ধাৰ হৈছে রএক বিৰল প্ৰজাতিৰ কাঁইটীয়া মাছ ৷  এই  বিৰল প্ৰজাতিৰ মাছ নদীৰ পৰা উদ্ধাৰ হোৱাৰ পিছতেই মাছটো চাবলৈ বহু মানুহৰ হেঁচা থেলা লাগে অঞ্চলটোত  ৷ সাগৰত এই মাছ কেতিয়াবা দেখা পোৱা যায় যদিও সুন্দৰবনৰ নদীত ই সহজলভ্য নহয় বুলিয়েই মাছমৰীয়া সকলে কয়  ৷ কিন্তু শেহতীয়াকৈ সুন্দৰবনৰ হিংগল গঞ্জৰ ৰায়মংগল  নদীত উদ্ধাৰ হ’ল এই বিৰল প্ৰজাতিৰ  কাঁইটীয়া  মাছ  ৷

পশ্চিমবংগৰ এক অন্যতম বৈচিত্ৰ  বিশ্ববিখ্যাত সুন্দৰবন অভয়াৰণ্য যি  বিভিন্ন পশু-পক্ষীকে আদি কৰি পোক-পতংগ আৰু বিভিন্ন জলচৰ প্ৰাণীৰ  বাসস্থান ৷ শীতকালত সুন্দৰবনৰ সেউজীয়া অৰণ্যৰ অপৰূপ সৌন্দৰ্য্য উপভোগ কৰিবলৈ আগমন ঘটে লক্ষ লক্ষ দেশী-বিদেশী পৰ্যটকৰ ৷