অৰুণাচল প্ৰদেশত পুনৰ দুর্ঘটনাত পতিত হৈছে এখন হেলিকপ্টাৰ ৷ এইবাৰ সেনাৰ চিতা হেলিকপ্টাৰ দুর্ঘটনা হোৱাৰ বাতৰি আহিছে ৷প্ৰতিৰক্ষা মুখপাত্ৰৰ উদ্ধৃতিৰে সংবাদ সংস্থা পিটিআইয়ে প্ৰকাশ কৰা অনুসৰি বৃহস্পতিবাৰে অৰুণাচল প্ৰদেশৰ মণ্ডলা পাহাৰৰ সমীপত ভাৰতীয় সেনাৰ এখন চিতা হেলিকপ্টাৰ দুৰ্ঘটনাগ্ৰস্ত হয়। হেলিকপ্টাৰখনৰ পাইলট কেইজনৰ সন্ধানত অভিযান আৰম্ভ হৈছে।
অৰুণাচল প্ৰদেশৰ বমডিলাৰ পশ্চিম মণ্ডলৰ সমীপত পুৱা প্ৰায় ৯:১৫ বজাত এই দুৰ্ঘটনা সংঘটিত হয় বুলি প্ৰতিৰক্ষা বিভাগৰ জনসম্পর্কৰক্ষী বিষয়া লেফটেনেণ্ট কৰ্ণেল মহেন্দ্ৰ ৰাৱটৰ উদ্ধৃতি দি সংবাদ সংস্থা এএনআইয়ে প্ৰকাশ কৰিছে। অৱশ্যে এই দুর্ঘটনা সন্দর্ভত অধিক তথ্য এতিয়াও প্ৰকাশ কৰা নাই সেনাই ৷
