বহু সময়ত আমি মানুহ বোৰ আন আন অবোধ প্ৰাণীবোৰৰ প্ৰতি বৰ নিষ্ঠুৰ হৈ পৰোঁ ৷মুখেৰে মাতিব নোৱাৰা নিৰীহ প্ৰাণিবোৰক বহু সময়ত অত্যাচাৰ কৰোঁ আমি মানুহবোৰে৷ কিন্তু এবাৰো ভাবি নাচাও যে এনে কৰাৰ পিছত এই প্ৰাণীবোৰে কিমান কষ্ট পাব পাৰে ৷
শেহতীয়াকৈ সামাজিক মাধ্যমত ভাইৰেল হৈ পৰা তেনে এটা ভিডিঅ’ই যেন মানুহৰ উদঙাইছে তেনে নিষ্ঠুৰতাৰ স্বৰূপ৷ ভিডিঅ’টো দেখি বহুজনেই প্ৰতিক্ৰিয়া প্ৰকাশ কৰাৰ লগতে ভিডিঅ’টো তৈয়াৰ কৰা যুৱকজনৰ প্ৰতি ক্ষোভ উজাৰি বিভিন্ন মন্তব্যও কৰা দেখা গৈছে ৷
সামাজিক মাধ্যমত ভাইৰেল হৈ পৰা এই ভিডিঅ’টোত এজন যুৱকে এটা কাছক জলকীয়া খুওৱা দেখা গৈছে আৰু জলকীয়াৰ জ্বলা সহ্য কৰিব নোৱাৰি কাছটোৱে মুখখন ঘুৰাই দিয়াৰ দৃশ্যই দুখী কৰিছে বহুজনকে ৷
ভিডিঅ’টোত এজন যুৱকে কৰা এনে এক নিষ্ঠুৰ কাম একেবাৰেই গ্ৰহণযোগ্য নহয় বুলি নিজৰ নিজৰ মন্তব্যৰ যোগেদি স্পষ্টকৈ প্ৰকাশ কৰিছে বহুজনে ।
বৰ্তমান সময়ত কেৱল আৰু কেৱল জনপ্ৰিয়তাৰ বাবেই কি কৰা নাই মানুহে ৷ অৱশ্যেই এই যুৱকজনেও মানুহেনো এই ভিডিঅ’টো দেখি কেনে ধৰণৰ প্ৰতিক্ৰিয়া প্ৰকাশ কৰে তাৰ বাবেই তৈয়াৰ কৰিছিল এই ভিডিঅ’টো ৷ যি ভিডিঅ’ ইতিমধ্যে ছচিয়েল মিডিয়াত দ্ৰুত গতিত ভাইৰেল হৈ পৰিছে।
ভিডিঅ’টোত যুৱকজনে খাদ্যৰ নামত জলকীয়া খুৱাইছে এটা কাছক।
ভিডিঅ’টোত স্পষ্টকৈ দেখা গৈছে যে যুৱকজনে কাছটোক জলকীয়া খুৱাই দিয়াৰ পিছত কাছটো অস্বস্তিত ভূগিছে আৰু এনে এক নিষ্ঠুৰ কাণ্ড দেখি খঙত অগ্নিশৰ্মা হৈ পৰিছে নেটিজেনসকল ৷
ভিডিঅ’টো চোৱাৰ পিছতেই ক্ষুব্ধ হৈ পৰিছে বহুজন আৰু বিভিন্ন কটূ মন্তব্যৰে থকা-সৰকা কৰিছে ভিডিঅ’ নিৰ্মাণ কৰা সেই যুৱকজনক৷
জনপ্ৰিয় সামাজিক মাধ্যম ইনষ্টাগ্ৰামত শ্বেয়াৰ কৰা এই ভিডিঅ’টোক লৈ যথেষ্ট প্ৰতিক্ৰিয়া প্ৰকাশ কৰিছে ৰাইজে।
সামাজিক মাধ্যম ইনষ্টাগ্ৰামৰ এই প’ষ্টটোত এজন ব্যৱহাৰকাৰীয়ে লিখিছে যে জীৱ-জন্তুৰ লগত যেন এনে ধৰণৰ বেয়া আচৰণ কেতিয়াও নকৰে।
এজন ব্যৱহাৰকাৰীয়ে আকৌ লিখিছে যে যুৱকজনে এনে কৰা উচিত নাছিল।
আনফালে আন এজন ব্যৱহাৰকাৰীয়ে লিখিছে যে যেতিয়া নিজতকৈ শক্তিশালী এজন ব্যক্তিয়ে দুৰ্বলজনক এনে ব্যৱহাৰ কৰে তেতিয়াহে বুজিব পাৰি যে এনে কৰিলে কেনেকুৱা লাগে দুৰ্বলজনৰ।
আনহাতে আন এজন ব্যৱহাৰকাৰীয়ে আকৌ লিখিছে যে যুৱকজনে কিয় এনে কৰিলে? তেওঁৰ বয়স কিমান ? কাৰণ এয়া শিশুৱে কৰা কামহে ৷
