নৱী মুম্বাইৰ ড০ ডি ৱাই পাটিল ক্ৰীড়া একাডেমীত চলিত ইণ্ডিয়ান প্ৰিমিয়াৰ লীগ (আই পি এল) ২০২২ বৰ্ষৰ ৫৫ তম মেচখনত দিল্লী কেপিটেলছক চেন্নাই চুপাৰ কিংছে ৯১ ৰাণত পৰাস্ত কৰে। ২০৯ ৰাণৰ লক্ষৰে দিল্লী কেপিটেলছ ১৭.৪ অভাৰত ১১৭ ৰাণত আউট হয় আৰু মইন আলীয়ে তেওঁৰ চাৰি অভাৰত তিনিটা উইকেট দখল কৰে। ইফালে, মুকেশ চৌধুৰী আৰু ডোৱেন ব্ৰাভোৱে দুটাকৈ উইকেট লাভ কৰে। আৰম্ভণিতে, চেন্নাইয়ে ২০ অভাৰত ছয় উইকেটত ২০৮ ৰাণ সংগ্ৰহ কৰে আৰু ডেভন কনৱেই ৪৯ টা বলত ৮৭ ৰাণ সংগ্ৰহ কৰে।
আই পি এল ২০২২ৰ পইণ্ট তালিকা:-
১১ খন খেলেৰে ১৬ পইণ্ট সহ তালিকাৰ শীৰ্ষত আছে ‘এলএছজি’ । তেওঁলোকৰ পিছত গুজৰাট টাইটানছ (জিটি) ১১ টা ফিক্সাৰৰ পৰা ১৬ পইণ্টৰ সৈতে দ্বিতীয় স্থানত আছে। ৰাজস্থান ৰয়েলছে (আৰআৰ) তৃতীয় স্থান দখল কৰিছে আৰু ৰয়েল চেলেঞ্জাৰ্ছ বাংগালোৰ (আৰচিবি) ক্ৰমান্বয়ে চতুৰ্থ স্থানত আছে।ইফালে দিল্লী কেপিটেলছ (ডিচি) আছে পঞ্চম স্থানত , তাৰ পিছত ক্ৰমে ষষ্ঠ, সপ্তম আৰু অষ্টম স্থানত আছে চানৰাইজাৰ্ছ হায়দৰাবাদ (এছআৰএইচ), পঞ্জাৱ কিংছ (পিবিকেএছ) আৰু চিএছকে । তালিকাৰ নৱম স্থানত আছে কেকেআৰ আৰু একেবাৰে শেষত আছে মুম্বাই ইণ্ডিয়ানছ (এমআই) ।
অৰেঞ্জ কেপ :-
জছ বাটলাৰ ১১ খন খেলত ৬১৮ ৰাণৰ সৈতে অৰেঞ্জ কেপ ৰেচত শীৰ্ষত আছে। তেওঁৰ পিছত ক্ৰমান্বয়ে দ্বিতীয় আৰু তৃতীয় স্থানত আছে কে এল ৰাহুল (৪৫১) আৰু ফাফ ডু প্লেচিছ (৩৮৯)।
আনহাতে শিখৰ ধাৱান (৩৮১) চতুৰ্থ স্থানত আছে আৰু তাৰ পিছত পঞ্চম স্থানত আছে ডেভিদ ৱাৰ্ণাৰ (৩৭৫)।
পাৰ্পল কেপ :-
যুজবেন্দ্ৰ চাহালে ১১ খন খেলত ২২ টা উইকেট লাভ কৰি পাৰ্পল কেপ দৌৰত আগবাঢ়ি আছে আৰু তাৰ পিছত ২১টা উইকেটেৰে দ্বিতীয় স্থানত আছে ৱানিন্দু হাচাৰাঙ্গা ।
১৮ উইকেটেৰে তৃতীয় স্থানত আছে কাগিচো ৰাবাডা ৷ তাৰ পিছতেই আছে কুলদীপ যাদৱ (১৮), যি চতুৰ্থ স্থান দখল কৰিছে। ১৭ টা উইকেট লৈ পঞ্চম স্থান দখল কৰিছে টি নটৰাজনে ।
