আমেৰিকাৰ ষ্টেনফৰ্ড বিশ্ববিদ্যালয়ে প্ৰকাশ কৰা বিশ্বৰ শীৰ্ষ পদাৰ্থ বিজ্ঞানীৰ তালিকাত অসমৰ ড৹ ফইজুদ্দিন আহমেদৰ নাম দ্বিতীয়বাৰৰ বাবে অন্তৰ্ভুক্ত হয়।
বিশ্ববিদ্যালয়খনে প্ৰকাশ কৰা বিশ্বৰ ২% শীৰ্ষ পদাৰ্থ বিজ্ঞানীৰ তালিকাত ড৹ ফইজুদ্দিনে ১,৬৯,২৬৮ সংখ্যক স্থান লাভ কৰিবলৈ সক্ষম হৈছে। ২০২০ বৰ্ষতো ৩৬ বছৰীয়া ড৹ আহমেদ শীৰ্ষ পদাৰ্থ বিজ্ঞানীৰ তালিকাত অন্তৰ্ভুক্ত হৈছিল।
এতিয়ালৈকে ড৹ আহমেদৰ সৰ্বমুঠ ৭৪ খনকৈ আন্তৰ্জাতিক আলোচনীত গৱেষণা পত্ৰ প্ৰকাশ পাইছে। ধুবুৰী জিলাৰ গৌৰীপুৰৰ বালাজান এলেকাৰ বাসিন্দা ড৹ ফইজুদ্দিন আহমেদ বৰ্তমান হাউলী নেচনেল চাইঞ্চ একাডেমীৰ পদাৰ্থ বিজ্ঞানৰ বিষয় শিক্ষক।
