কানাড়া ছবিজগতৰ জনপ্ৰিয় অভিনেতা পুনিত ৰাজকুমাৰ আৰু নাই । অনুৰাগীৰ মাজত অপ্পু হিচাপে জনপ্ৰিয় অভিনেতাগৰাকীৰ আজি বিয়োগ ঘটে। মৃত্যুৰ সময়ত তেওঁৰ বয়স হৈছিল মাত্র 46 বছৰ। হৃদৰোগত আক্ৰান্ত হোৱা অভিনেতাজনক আজি পোৱা প্ৰায় 11.30 বজাত বেংগালুৰুৰ বিক্ৰম হাস্পতালত ভৰ্তি কৰোৱা হৈছিল । লগে লগে বিশেষজ্ঞ চিকিৎসকৰ দলে আই চি ইউত ভৰ্তি কৰি চিকিৎসা আৰম্ভ কৰে।
কিন্তু ভর্তি কৰোৱাৰ সময়তে তেওৰ স্বাস্থ্যৰ যথেষ্ট অৱনতি ঘটে। আনহাতে প্ৰিয় অভিনেতা জনৰ অসুস্থতাৰ বাতৰি বিয়পি পৰাৰ লগে লগে হাস্পতালৰ বাহিৰত অসংখ্য অনুৰাগীয়ে ভিৰ কৰে। আনকি বহু অনুৰাগী কান্দোনত ভাগি পৰে। বিয়লি তেওঁৰ মৃত্যুৰ পাছত সমগ্ৰ ৰাজ্যখনতে নিৰাপত্তা বৃদ্ধি কৰা হৈছে। পুনিত ৰাজকুমাৰে 29 খন ছবিত মূল চৰিত্ৰত কৰিছিল।
সৰুৰে পৰা অভিনয়ৰ প্ৰতি আগ্ৰহী পুনিতে শিশু অভিনেতা হিচাপে ৰাষ্ট্ৰীয় চলচ্চিত্ৰ বঁটা লাভ কৰিছিল। তেওঁৰ জনপ্ৰিয় ছবিসমূহৰ অন্যতম হৈছে অপ্পু ,অভি,আকাশ,অজয়,হুদুগাৰু,ৰাজকুমাৰ,মিলন আদি।
