অষ্ট্ৰেলিয়াৰ বিৰুদ্ধে টেষ্টৰ পূৰ্বে বিতৰ্কত ভাৰতীয় ক্ৰিকেট। এই মেচত সূৰ্যকুমাৰ যাদৱ আৰু শ্ৰীকৰ ভাৰতৰ অভিষেক ঘটিছে । ভাৰতীয় প্রাক্তন প্রশিক্ষক ৰবি শাস্ত্ৰীয়ে টেষ্ট আৰম্ভ হোৱাৰ পূর্বে সূর্যক টেষ্ট টুপি প্ৰদান কৰে ৷ বৰ্তমানৰ প্ৰশিক্ষক ৰাহুল দ্ৰাবিড়ক ওচৰতে থিয় হৈ থকা দেখা গৈছিল । এই ঘটনাৰ পৰাই আৰম্ভ হৈছিল বিতৰ্ক।
ক্ৰিকেটাৰ এজনে দলত অভিষেক ঘটালে সাধাৰণতে দলৰ কোনোবাই তেওঁক আদৰি লৈ টুপী প্ৰদান কৰাটো নিয়ম। অধিনায়ক, উপ-অধিনায়ক, প্ৰশিক্ষক বা সহায়কাৰী দলৰ কোনোবাই টুপী প্ৰদান কৰাটো নিয়ম । ই আন যিকোনো ক্ৰিকেটাৰ হ’ব পাৰে। কিন্তু দলৰ বাহিৰৰ কোনোবাই এই কাম কৰা দেখা নাযায়। অৱশ্যে সেইটো নাগপুৰত দেখা গ’ল। খেল আৰম্ভ হোৱাৰ আগতে ভাৰতীয় ক্ৰিকেটাৰসকলে খেলপথাৰত বৃত্তৰ দৰে থিয় হৈছিল। শাস্ত্ৰী ইতিমধ্যে তাতেই আছিল। সেইটো দেখি বুজা গ’ল যে তেওঁক এই বিষয়ে আগতীয়াকৈ অৱগত কৰা হৈছে। শাস্ত্ৰীয়ে গৈ টুপীটো সূৰ্য্যক প্ৰদান কৰে। দ্ৰাবিড়কে ধৰি বাকীসকলে কাষত থিয় হৈ তেওঁলোকৰ কথা শুনি আছিল। প্ৰশ্ন উত্থাপন হয় যে দ্ৰাবিড় প্ৰশিক্ষণ হোৱাৰ পিছতো শাস্ত্ৰীক কিয় এই সুযোগ দিয়া হ’ল। য’ত তেওঁ দলৰ অংশ নহয়, তাত শাস্ত্ৰীক কিয় মাতিছে? প্ৰাক্তন ক্ৰিকেটাৰ হিচাপে যেতিয়া শাস্ত্ৰীক এই সন্মান দিয়া হৈছিল, তেতিয়া মন্তব্যকাৰীৰ ভিতৰত সুনীল গাভাস্কৰো আছিল। তেন্তে কেৱল শাস্ত্ৰী কিয়?
টুপী গতাই দিয়াৰ পূৰ্বে ক্ৰিকেটাৰ দুগৰাকীৰ পৰিয়ালক খেলপথাৰৰ কাষলৈ আমন্ত্ৰণ জনাইছিল। দ্ৰাবিড়ে তেওঁলোকক কৰমর্দন কৰে ৷ ঘৰুৱা ক্ৰিকেটত ধাৰাবাহিকভাৱে সফলতা লাভ কৰাৰ পিছত ভাৰতৰ হৈ ৰেডবল ক্ৰিকেটত অভিষেক ঘটিছে অন্ধ্ৰ প্ৰদেশৰ উইকেটকীপাৰগৰাকীৰ
