আমেৰিকাৰ সৈতে প্ৰতিযোগিতাত অংশগ্ৰহণ কৰা বৃহত্তম দেশ চীনে ৰঙা গ্ৰহ মংগলত অৰ্জন কৰিলে এক ডাঙৰ কৃতিত্ব। চীনে এই মহাকাশীয় কাৰ্যসূচীৰ অধীনত মংগল গ্ৰহলৈ ‘টিয়ানৱেন-১’ ৰভাৰ প্ৰেৰণ কৰি তাত ৰাখিলে এক বিশেষ চিন ।
চীনৰ জ্যোতিৰ্বিজ্ঞানী আৰু বিজ্ঞানীসকলে মুকলি কৰিছে প্ৰথমখন ৰঙীন ক’ডযুক্ত গ্ল’বেল মেপ ।
আপোনালোকক কওঁ যে পৃথিৱীৰ পৰা মংগল গ্ৰহৰ নূন্যতম দূৰত্ব ৫৪.৬ নিযুত কিলোমিটাৰ আৰু যেতিয়া এই দুটা গ্ৰহ ঘূৰ্ণন কৰি থকাৰ সময়ত ইটোৱে সিটোৰ পৰা আৰু অধিক দূৰলৈ যায়, তেতিয়া এই দূৰত্ব ৪০১ নিযুত কিলোমিটাৰলৈ বৃদ্ধি পায়। জ্যোতিৰ্বিজ্ঞানীসকলে কয় যে দুয়োৰে মাজত গড় দূৰত্ব প্ৰায় ২২.৫ কোটি কিলোমিটাৰ।আনহাতে যিকোনো দেশৰ বাবেই নিজৰ মহাকাশযান বা ৰভাৰ ইমান দূৰলৈ প্ৰেৰণ কৰাটো অতি কঠিন।
ৰঙা গ্ৰহলৈ যাত্ৰা চীনৰ বাবেও সহজ নাছিল যদিও এতিয়া তাত থকা জ্যোতিৰ্বিজ্ঞানী আৰু বিজ্ঞানীৰ দলটোক চৰকাৰে অভিনন্দন জনাইছে যে তেওঁলোকৰ এই অভিযানে সফলতা লাভ কৰিছে।
তথ্য অনুসৰি চীনে ২০২০ চনত মংগল গ্ৰহৰ বাবে অৰ্বিটাৰ, লেণ্ডাৰ আৰু ৰভাৰ প্ৰজেক্ট আৰম্ভ কৰাৰ পৰিকল্পনা কৰিছিল। ২০২০ চনৰ জুলাই মাহত ৱেনচাং লঞ্চিং চেণ্টাৰৰ পৰা লং মাৰ্চ ৫ ৰকেটেৰে ‘টিয়ানৱেন-১’ মহাকাশযান উৎক্ষেপণ কৰা হৈছিল। ইয়াৰ মূল উদ্দেশ্য আছিল মংগল গ্ৰহৰ মাটি, ভূতাত্ত্বিক গঠন, পৰিৱেশ, বায়ুমণ্ডল আৰু পানীৰ ওপৰত বৈজ্ঞানিক অনুসন্ধান ।
অৱশ্যে ভাৰতে চীনতকৈও কম ব্যয়ত সম্পূৰ্ণ কৰিছিল মিছন মংগল
চীনৰ বহু বছৰ আগতে ভাৰতেও মংগল কক্ষপথ অভিযান (MOM) আৰম্ভ কৰি সফলতা লাভ কৰিছিল। কিন্তু ইয়াৰ ব্যয় চীনতকৈ কম আছিল। য’ত মুঠ ৪৫০ কোটি টকা ব্যয় কৰা হৈছিল। ২০১৩ চনৰ ৫ নৱেম্বৰত পিএছএলভি-চি২৫( PSLV-C25) য়ে ইয়াক মুকলি কৰিছিল। ২০১৪ চনৰ ছেপ্টেম্বৰ মাহত প্ৰথম প্ৰচেষ্টাতে ইয়াক মংগল গ্ৰহৰ কক্ষপথত সফলতাৰে স্থাপন কৰা হয়। মংগলিয়ান আছিল ভাৰতৰ প্ৰথম আন্তঃগ্ৰহ অভিযান।
